Senior Citizen Saving Scheme | ज्येष्ठ नागरिकांना दर महिना रु.20,000 देईल ही योजना, खर्चाचं नो टेन्शन

Senior Citizen Saving Scheme | जसजसे लोक मोठे होतात आणि निवृत्तीच्या वयात पोहोचतात, ते सहसा त्यांच्या बचतीवर अवलंबून असतात. चांगले आणि आरामदायी जीवन जगण्यासाठी, लोकांना निवृत्त झाल्यावर पैशांची आवश्यकता असते. आज आम्ही एका अशा योजनेबद्दल बोलणार आहोत जी खास ज्येष्ठ नागरिकांसाठी तयार करण्यात आली आहे. ही योजना पोस्ट ऑफिस ज्येष्ठ नागरिक बचत खाते आहे. शासनामार्फत ही योजना राबविण्यात येत आहे. यात इतर बचत योजनांपेक्षा जास्त व्याज मिळते.

1000 रुपयांपासून गुंतवणूक सुरू करू शकता
पोस्ट ऑफिस सीनियर सिटिझन स्कीमचे खास वैशिष्ट्य म्हणजे तुम्ही तुमची गुंतवणूक 1,000 रुपयांपासून सुरू करू शकता. ज्येष्ठ नागरिकांसाठी हा गुंतवणुकीचा सर्वात सुरक्षित पर्याय आहे. यामुळे तुम्हाला नियमित उत्पन्नही मिळेल आणि निवृत्तीनंतर पैशांची गरजही पूर्ण होईल.

पोस्ट ऑफिस ज्येष्ठ नागरिक बचत योजनेची पात्रता
पोस्ट ऑफिस ज्येष्ठ नागरिक बचत योजना 60 वर्षांपेक्षा जास्त वय असलेल्यांसाठी आहे. किंवा जे वयाच्या 55 व्या वर्षी निवृत्त झाले आहेत पण त्यांचे वय 60 वर्षांपेक्षा कमी आहे. विशेष व्हीआरएस अंतर्गत ते खाते उघडू शकतात. याशिवाय संरक्षण सेवेतील निवृत्त कर्मचारी वयाच्या 50 व्या वर्षीही खाते उघडू शकतात. हे खाते तुम्ही तुमच्या जोडीदारासोबतही उघडू शकता.

अर्ज कसा करावा
ज्येष्ठ नागरिक कोणत्याही बँकेत किंवा पोस्ट ऑफिसमध्ये एससीएसएस खाते उघडू शकतात. खाते उघडण्यासाठी ज्येष्ठ नागरिकांना कमीत कमी एक हजार आणि जास्तीत जास्त 30 लाख रुपये जमा करावे लागतील. तुम्ही खात्यात 1,000 रुपयांच्या पटीत पैसे जमा करू शकता. ती 30 लाखरुपयांपेक्षा जास्त असू शकत नाही.

योजनेची परतावा रक्कम – महिना व्याज मिळेल
या योजनेत SCSS 8.2 टक्के वार्षिक व्याज देत आहे. जर एखाद्या व्यक्तीने सुमारे 30 लाख रुपयांची गुंतवणूक केली तर त्याला वार्षिक 2.46 लाख रुपये म्हणजेच महिन्याला सुमारे 20,000 रुपये व्याज मिळेल.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title : Senior Citizen Saving Scheme Interest Rate check details 02 August 2024.