IPO GMP | स्वस्त IPO आला रे! पहिल्याच दिवशी मालामाल करणार, कमाईची संधी सोडू नका

IPO GMP | सध्या जर तुम्ही IPO मध्ये गुंतवणूक करून मजबूत कमाई करू इच्छित असाल तर ही बातमी तुमच्या फायद्याची आहे. ॲफकॉम होल्डींग कंपनीचा IPO गुंतवणुकीसाठी खुला झाला आहे. हा IPO 6 ऑगस्टपर्यंत गुंतवणुकीसाठी खुला असेल. या कंपनीच्या IPO शेअर्सची किंमत 108 रुपये आहे. ( ॲफकॉम होल्डींग कंपनी अंश )

ही कंपनी आपल्या IPO द्वारे 73.83 कोटी रुपये भांडवल उभारणी करणार आहे. या कंपनीने एका लॉटमध्ये 1200 शेअर्स ठेवले आहेत. ग्रे मार्केटमध्ये ॲफकॉम होल्डींग कंपनीचा आयपीओ 108 रुपये प्रीमियम किमतीवर ट्रेड करत आहे. म्हणजेच हा स्टॉक 216 रुपये किमतीवर सूचीबद्ध होऊ शकतो.

ॲफकॉम होल्डींग या कंपनीची स्थापना फेब्रुवारी 2013 मध्ये झाली होती. ही कंपनी विमानतळावर चालणाऱ्या मालवाहतुकीच्या कामात गुंतलेली आहे. ही कंपनी भारत, हाँगकाँग, सिंगापूर, थायलंड, जपान, दक्षिण कोरिया, चीन आणि तैवानमध्ये सेवा प्रदान करते. ही कंपनी सिंगापूर, इंडोनेशिया आणि ब्रुनेईसह आसियान देशांना मालवाहू उडाण सेवा देते. ही कंपनी फक्त विमानतळ ते विमानतळ आधारावर मालाची वाहतूक करते.

2 ऑगस्ट पासून ओला इलेक्ट्रिक मोबिलिटी लिमिटेड कंपनीचा देखील IPO ओपन झाला आहे. या कंपनीने आपल्या शेअर्सची प्राइस बँड 72 रुपये ते 76 रुपये प्रति इक्विटी शेअर्स निश्चित केली आहे. या कंपनीच्या प्रत्येक शेअरचे दर्शनी मूल्य 10 रुपये आहे. ओला इलेक्ट्रिक मोबिलिटी लिमिटेड कंपनीचा IPO शुक्रवार दिनांक 2 ऑगस्ट ते 6 ऑगस्ट दरम्यान खुला असेल.

किरकोळ गुंतवणूकदार किमान 195 इक्विटी शेअर्ससाठी बोली लावू शकतात. या कंपनीच्या IPO मध्ये 5,500 कोटी रुपये मूल्याचे फ्रेश शेअर्स जारी केले जातील. कंपनीचे प्रमोटर आणि शेअरहोल्डर्स 84,941,997 इक्विटी शेअर ऑफर फॉर सेल अंतर्गत खुल्या बाजारात विकणार आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | IPO GMP of Afcom Holdings Ltd 02 August 2024.