HAL Share Price | मल्टिबॅगर HAL स्टॉक चार्टवर तेजीचे संकेत, तज्ज्ञांचा खरेदीचा सल्ला, नेमकं कारण काय?

HAL Share Price | एचएएल या सरकारी डिफेन्स कंपनीच्या शेअर्समध्ये अल्पकालीन कमाईची संधी मिळू शकते, असा अंदाज तज्ञांनी व्यक्त केला आहे. त्यामुळे हा स्टॉक फोकसमध्ये आला आहे. आज या स्टॉकमध्ये किंचित वाढ पाहायला मिळत आहे. मागील आठवड्यात शुक्रवारी हिंदुस्तान एरोनॉटिक्स लिमिटेड कंपनीचे शेअर्स 1.25 टक्क्यांच्या वाढीसह 4725 रुपये किमतीवर क्लोज झाले होते. सेठी फिनमार्ट फर्मच्या तज्ञांनी या कंपनीचे शेअर्स खरेदी करण्याचा सल्ला दिला आहे. ( एचएएल कंपनी अंश )

तज्ञांनी या स्टॉकवर 4850 रुपये टार्गेट प्राइस निश्चित केली आहे. तसेच हा स्टॉक खरेदी करताना 4670 रुपये किमतीवर स्टॉपलॉस लावण्याची शिफारस केली आहे. एचएएल ही कंपनी एरोस्पेस आणि संरक्षण क्षेत्रात व्यवसाय करते. ही कंपनी चालू आठवड्यात आपले जून तिमाहीचे निकाल जाहीर करेल, अशी अपेक्षा आहे. आज सोमवार दिनांक 12 ऑगस्ट 2024 रोजी एचएएल स्टॉक 0.15 टक्के वाढीसह 4,730.75 रुपये किमतीवर ट्रेड करत आहे.

हिंदुस्तान एरोनॉटिक्स ही कंपनी मुख्यतः एअरक्राफ्ट डॉर्नियर, हेलिकॉप्टर आणि तेजस लढाऊ विमानांची निर्मिती करते. पुढील काही वर्षांत या कंपनीने 15000 कोटी रुपये भांडवली गुंतवणूक करण्याची योजना आखली आहे. या कंपनीची ऑर्डर बुक मजबूत आहे. सध्या ही कंपनी प्रलंबित ऑर्डर वेळेवर पूर्ण करण्यावर लक्ष केंद्रित करत आहे. यासाठी सर्व आवश्यक उपाययोजना केल्या जात आहेत. शिवाय एचएएल कंपनी डिफेन्स एक्सपोर्टवर देखील लक्ष देत आहे.

हिंदुस्तान एरोनॉटिक्स लिमिटेड या सरकारी डिफेन्स कंपनीच्या ऑर्डर बुकचा आकार 94000 कोटी रुपये आहे. आर्थिक वर्ष 2023-24 मध्ये एचएएल कंपनीला 19000 कोटी रुपये मूल्याच्या ऑर्डर मिळाल्या होत्या. 2024-25 मध्ये एचएएल कंपनीला आणखी 30 हजार कोटी रुपये मूल्याच्या ऑर्डर मिळू शकतात, अशी अपेक्षा आहे. या कंपनीची ऑर्डरबुक इतकी मजबूत आहे की, कंपनीला पुढील 5-7 वर्षांत चांगला शाश्वत महसूल मिळू शकतो. मेक इन इंडिया धोरणा अंतर्गत भारत सरकारने देखील डिफेन्स सेक्टरवर आपले लक्ष केंद्रित केले आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | HAL Share Price NSE Live 12 August 2024.