Reliance Share Price | रिलायन्स इंडस्ट्रीज शेअर फोकसमध्ये, कंपनीबाबत फायद्याची अपडेट, स्टॉक BUY करावा?

Reliance Share Price | मुकेश अंबानी यांच्या मालकीच्या रिलायन्स इंडस्ट्रीज कंपनीच्या शेअर्समध्ये जबरदस्त नफा वसुली पाहायला मिळत आहे. नुकताच भारत सरकारने रिलायन्स इंडस्ट्रीज (NSE: RELIANCE) कंपनीला PLI योजनेमध्ये सामील केले आहे. आता रिलायन्स इंडस्ट्रीज ही कंपनी अॅडव्हान्स केमिस्ट्री सेलचे उत्पादन करू शकते. ही कंपनी 10 GWh क्षमतेचा ACC बॅटरी प्रकल्प तयार करणार आहे. ही बातमी येताच बुधवारी रिलायन्स इंडस्ट्रीज स्टॉक 3030 रुपये किमतीवर पोहचला होता. (रिलायन्स इंडस्ट्रीज कंपनी अंश)

8 जुलै 2024 रोजी या कंपनीच्या शेअरने 3,217.90 रुपये ही आपली 52 आठवड्यांची उच्चांक किंमत पातळी स्पर्श केली होती. आज गुरूवार दिनांक 5 सप्टेंबर 2024 रोजी रिलायन्स इंडस्ट्रीज स्टॉक 1.67 टक्के घसरणीसह 2,978.55 रुपये किमतीवर ट्रेड करत आहे. नुकताच रिलायन्स कंपनीला ऍडव्हांस केमिकल सेल प्रकल्प उभारण्याचे कॉन्ट्रॅक्ट प्राप्त झाले आहेत. बोलीदारांचे अंतिम मूल्यमापन गुणवत्ता आणि खर्च आधारित निवड यंत्रणेनुसार शॉर्टलिस्ट करण्यात आले आहे. रिलायन्स इंडस्ट्रीज कंपनीने ही ऑर्डर जिंकली असून उर्वरित शॉर्टलिस्टेड बिडर्सना त्यांच्या रँकच्या आधारे वेटिंग लिस्टमध्ये ठेवण्यात आले आहे.

प्रतीक्षा यादीमध्ये ACME Cleantech Solutions Private Limited पहिल्या स्थानावर आहे. तर अमरा राजा अॅडव्हान्स्ड सेल टेक्नॉलॉजीज प्रायव्हेट लिमिटेड दुसऱ्या स्थानावर आणि वारी एनर्जीज लिमिटेड ही कंपनी तिसऱ्या स्थानावर आहे. तसेच JSW निओ एनर्जी लिमिटेड आणि लुकास TVS लिमिटेड यांना अनुक्रमे चौथा आणि पाचवा क्रमांक देण्यात आला आहे. मे 2021 मध्ये नरेंद्र मोदी सरकारच्या मंत्रिमंडळाने 18,100 कोटी रुपये मूल्याचे 50 GW क्षमतेचे ऍडव्हांस केमिकल सेल उत्पादन प्रकल्प उभारण्यासाठी PLI योजनेला मंजुरी दिली होती.

ऍडव्हांस केमिकल सेलसाठी PLI बिडिंगची पहिली फेरी मार्च 2022 मध्ये आयोजित करण्यात आली होती. त्यात तीन लाभार्थी कंपन्यांना एकूण 30 GW क्षमतेचे कॉन्ट्रॅक्ट देण्यात आले होते. या उपक्रमाचा उद्देश भारतातील देशांतर्गत उत्पादन मजबूत करून आयात अवलंबित्व कमी करणे आहे. याशिवाय केंद्र सरकारच्या मेक इन इंडिया आणि आत्मनिर्भर भारत उपक्रमाच्या अनुषंगाने हा उपक्रम महत्त्वपूर्ण आहे.

News Title | Reliance Share Price NSE: RELIANCE 05 September 2024.

Disclaimer: Get latest updates on Stock Market & Business News. Find Nifty 50, Gift Nifty, Gift Nifty Live, SGX Nifty, SGX Nifty Futures Live, SGX Nifty Futures, NSE Option Chain, Option Chain NSE, BSE Sensex, BSE Share Price, Silver MCX, MCX option Chain, MCX Cotton Live, Gold MCX Breaking News Today बिझनेस ब्रेकिंग न्यूजसाठी महाराष्ट्रनामा Marathi News फॉलो करा.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.