महाराष्ट्रात आता 'नीट परीक्षेची' एकूण १६ केंद्र : प्रकाश जावडेकर

नवी दिल्ली : महाराष्ट्रात आधी नीट परीक्षेची एकूण १० केंद्र होती. परंतु त्यात आता आणखी ६ नवीन केंद्रांची भर पडल्याने आता एकूण केंद्रांची संख्या १६ वर पोहोचली आहे. त्या नव्या केंद्रांमध्ये बीड, बुलढाणा, जळगाव, लातूर, सोल्हापूर आणि मुंबई उपनगर यांचा समावेश आहे.

भारतामध्ये नीट परीक्षेसाठी एकूण १०७ सेंटर्स होती. त्यात एकूण ४३ नवीन केंद्रांचा समावेश करण्यात आला आहे. त्यात महाराष्ट्रातील सहा नवीन केंद्राचा समावेश करण्यात आला आहे. त्यामुळे नीट परीक्षा पहिल्यांदाच एकूण १५० केंद्रांमध्ये पार पडणार आहे.

नीट २०१८ परीक्षा ६ मे रोजी सकाळी १० वाजता होणार आहेत. केंद्रीय मनुष्यबळ विकास मंत्री विनोद जावडेकर यांनी या संदर्भात ट्विट करून माहिती दिली आहे. विद्यार्थी आणि पालकांनी उपलब्ध केंद्रांच्या संख्ये बाबत अनेक प्रश्न उपस्थित केल्यामुळे अखेर त्यात वाढ करण्यात आली आहे.

6 new centres for #NEET2018 exam in Maharashtra – Beed, Buldhana, Jalgaon, Latur, Mumbai-Suburban, Solapur#TransformingIndia #NewIndia #IT4MHRD @CBSEINDIA @ciet_ncert

— Prakash Javadekar (@PrakashJavdekar) February 27, 2018