Deepika Padukone Baby | दिपविर झाले आई-बाबा! दिपीकाने दिलाय गोंडस बाळाला जन्म, मुलगी की मुलगा? - Marathi News

Deepika Padukone Baby | बॉलीवूडची मस्तानी अभिनेत्री दीपिका पादुकोण ही दोन दिवसांआधी मुंबईच्या एच एन रिलायन्स फाउंडेशन हॉस्पिटलमध्ये भरती झाली होती. तब्बल दोन दिवसानंतर दीपिकाने एका गोंडस बाळाला जन्म दिला आहे. दीपिका आणि रणवीरच्या घरी छोटी बाहुली आली आहे. दोघांनाही गोंडस अशी मुलगी झाली आहे. दोघेही या दिवसाची अतिशय आतुरतेने वाट पाहत होते.

त्यांच्यासोबत समस्त प्रेक्षक परिवारदेखील दीपवीरच्या पोटी छोटा रणवीर येतोय की छोटी मस्तानी येतेय? अशा चर्चा रंगल्या होत्या. दरम्यान दीपिकाने आपल्याला मुलगी झाली आहे ही घोषणा सोशल मीडियामार्फत करून चहात्यांना आनंदाची गोड बातमी दिली आहे. दीपिकाच्या बाळाचा फोटो पाहण्यासाठी प्रेक्षकवर्ग आतुर झाला आहे.

रणवीर आणि दीपिकाला त्यांच्या तमाम फॅन्सने अभिनंदन करत कौतुकाचा वर्षाव केला आहे. त्याचबरोबर दोघांच्याही पोटात आनंद मावेनासा झाला आहे. विशेष म्हणजे दोन ते तीन दिवसांपूर्वी रणवीर आणि दीपिका सिद्धिविनायकाच्या मंदिरात दर्शन घेण्यासाठी गेले होते. त्यावेळी दीपिकाने साडी नेसली होती आणि पाहता पाहता गणेश चतुर्थीच्या दुसऱ्याच दिवशी दीपिका आई झाली.

 

View this post on Instagram

 

A post shared by दीपिका पादुकोण (@deepikapadukone)

दीपिकाच्या फिल्मी गोष्टींबद्दल बोलायचं झालं तर कल्की या चित्रपटामध्ये दीपिका पाहायला मिळाली होती. दरम्यान येत्या दिवाळीमध्ये ‘सिंघम अगेन’ या चित्रपटामध्ये दीपिका दिसणार असल्याची माहिती समोर आली आहे. दीपिकाने आतापर्यंत सिनेसृष्टीला एकशे एक सिनेमे देऊन प्रेक्षकांच्या मनावर अधिराज्य गाजवलं आहे.

Latest Marathi News | Deepika Padukone Baby 09 September 2024 Marathi News.