VIDEO : पाक लष्कराचं विमान नागरी वस्तीत कोसळलं; १७ जणांचा मृत्यू

रावलपिंडी : पाकिस्तानच्या रावलपिंडी शहरात मंगळवारी सकाळी पाकिस्तानी लष्कराचं एक विमान नागरी वस्तीत कोसळलं. या अपघातात आतापर्यंत १७ जण ठार झाल्याची माहिती आहे तर १२ जण गंभीररित्या जखमी आहेत. मृतांपैकी ५ जण पाकिस्तानी सैन्यातील जवान आहेत. या अपघातातील मृतांचा आकडा वाढण्याची शक्यता वर्तवली जात आहे.

पाकिस्तानी लष्कराकडून दिलेल्या माहितीनुसार या विमान अपघातात २ पायलट मृत्यू झालेत. ही दुर्घटना पाहता रावलपिंडीमधील हॉस्पिटलमध्ये आणीबाणी घोषित केली आहे. अपघातात १२ जण जखमी आहे त्यातील काही जणांची प्रकृती गंभीर आहे. रावळपिंडीजवळच्या मोरा कालू गावात आज पहाटे हे विमान कोसळले. पाकिस्तानी सैन्यानं दिलेल्या माहितीनुसार, अपघातात विमानाचे दोन्ही पायलट मरण पावले आहेत. या घटनेनंतर रावळपिंडीतील रुग्णालयांमध्ये आणीबाणी घोषित करण्यात आली आहे. हा अपघात नेमका कोणत्या कारणामुळं झाला याबाबत काहीही माहिती मिळू शकलेली नाही.

#UPDATE AFP: Fifteen killed as plane crashes in Pakistan, rescue official says https://t.co/HzBZFd27HC

— ANI (@ANI) July 30, 2019

वृत्तवाहिन्यांवरील दृश्यांनुसार, विमान कोसळल्यानंतर रहिवासी भागात आग लागली. यामध्ये अनेक घरं उद्धवस्त झाली आहेत. बचाव पथकाच्या माहितीनुसार, या विमानाने अचानक आपले नियंत्रण गमावले आणि ते दुर्घटनाग्रस्त झाले. रात्रीची वेळ असल्याने बचाव मोहिम राबवताना अडचणी येत होत्या.