Property Knowledge | घराचं स्वप्न साकारताना बिल्डरसोबत या 5 गोष्टी स्पष्ट बोला, नाहीतर गोत्यात याल - Marathi News
Property Knowledge | प्रत्येक व्यक्तीला आपलं छोटसं का होईना परंतु स्वतःचं हक्काचं घर असावं असं वाटत असतं. घर खरेदी करताना मोठा करार करावा लागतो. घर खरेदी करण्यासारखा मोठा व्यवहार कोणताच नाही. त्यामुळे अनेकजण अगदी काळजीपूर्वक घराचा व्यवहार करतात. तरीसुद्धा काही गोष्टींमुळे तुम्ही गोत्यात येण्याची शक्यता असते.
अनेक व्यक्ती बिल्डरच्या फसवेपणाला बळी नीपडतात. काही गोष्टींची व्यवस्थितपणे तपासणी केली नाही तर, तुम्ही फार मोठ्या अडचणीत सापडू शकता. घर घेण्याआधी बिल्डरबरोबर कोणत्या गोष्टींची पूर्तता करून घ्यावी जाणून घ्या. सोबतच बिल्डरला किंवा डीलर्सला हे पाच प्रश्न आवर्जून विचारा.
तुमचं घर बांधलेली जमीन कोणाच्या नावावर आहे?
बऱ्याचवेळी आपण बिल्डरने दाखवलेल्या चांगल्या जाहिराती तसेच चांगल्या प्रकल्पांचे फोटोज या सर्व गोष्टींवर विश्वास ठेवतो. एवढंच नाही तर बिल्डरचे चांगले कार्यालय पाहून देखील आपण भाळून जातो. आपल्याला यामध्ये काही गैरप्रकार असेल याची अजिबात भनक लागत नाही. परंतु तुमच्या याच निष्काळजीपणामुळे तुम्हाला लाखो आणि करोडोंचा गंडा लागू शकतो. त्यामुळे घर खरेदी करणाऱ्या व्यक्तीची पहिली पहिली जबाबदारी म्हणजे गृहप्रकल्पाची जागा नेमकी कोणाच्या नावावर आहे ही गोष्ट तपासून पाहणे. कारण की काही बिल्डर बांधकाम आराखडा पूर्ण होण्याआधीच घर खरेदी करायला सुरुवात करतात.
परंतु ही गोष्ट पूर्णपणे चुकीची असून, अनधिकृत देखील आहे. काहीच दिवसांपूर्वी पुण्यामध्ये 500 पेक्षा अधिक जागा म्हणजेच घरं अनधिकृत जागेवर उभारल्याची माहिती समोर आली आहे. त्यामुळे जमिनी कोणाच्या नावावर आहे हे सर्वात पहिले तपासा. नाहीतर तुमचे फार मोठे नुकसान होऊ शकते.
घराची किंमत पुढे जाऊन वाढेल का?
घरमालक आणि ग्राहक या दोघांमध्ये घर खरेदी-विक्री करताना करार होतो. ज्यामध्ये क्लॉज देखील असते. ज्यामध्ये खरेदी करणाऱ्या प्रॉपर्टीच्या रकमेत पुढे जाऊन आणखीन वाढ होणार नाही. अशा पद्धतीचं हे क्लॉज असते. असे क्लॉज तुम्हाला मिळाले आहे की नाही या गोष्टीची तपासणी करा. परंतु सरकारमार्फत बिल्डरकरून काही शुल्क आकारण्यात आले तरच, तुमच्याकडचे अधिक पैसे वाढू शकतात. परंतु किती पैसे वाढणार या गोष्टीची खात्री घर खरेदी करण्याआधीच केलेली चांगली ठरेल.
गृहप्रकल्पाला बँकेने मंजुरी दिली आहे का?
जगातील कोणत्याही अधिकृत बांधकामांमध्ये बँकेची मंजुरी ग्राह्य धरली जाते. त्यामुळे घर खरेदी करताना तुम्ही खरेदी करत असलेल्या जागेला बँक मंजुरी आहे की नाही ही तपासणी नक्की करा. बँक मंजुरी असलेले कागदपत्र तुमची फार मोठी मदत करू शकतात. वेगवेगळ्या गृहप्रकल्पाला वेगवेगळ्या बँका त्यांच्याप्रमाणे वेळ लावतात. बऱ्याचदा दोन किंवा आठ महिने कागदपत्रे तपासण्यासाठीच निघून जातात. कारण की बँक जागे बद्दलच्या सर्व डिटेल्स अगदी अचूकपणे मिळवण्याचा प्रयत्न करते. या पडताळणीमध्ये अधिक कालावधी जातो. त्यामुळे बँकेने मंजुरी दिली असलेली प्रॉपर्टी खरेदी करण्याचा विचार करा.
पेमेंटचा तपशील बिल्डरला विचारला का?
एक ग्राहक म्हणून पेमेंट तपशील योग्य पद्धतीने पडताळून घेणे ही तुमची एक प्रकारची जबाबदारीच असते. जेव्हा तुम्ही एखादं घर किंवा फ्लॅट खरेदी करतात तेव्हा तुमच्यासमोर पेमेंटचे अनेक पर्याय ठेवले जातात. जर तुम्ही हप्ता भरण्याचा पर्याय निवडलात आणि हप्ता देण्यास विलंब झाला आणि दिलेला चेक बाउन्स झाला तर, डेव्हलपर तुमच्याकडून पाच ते आठ हजारपर्यंत शुल्क आकारतात. त्यामुळे कुठलाही चेक जमा करण्याआधी तुमच्या खातात चांगला फंड म्हणजे चांगले पैसे असणे गरजेचे आहे. महत्त्वाचं म्हणजे घराचं सर्व काही तयार असून तुम्ही ताबा घेण्यास विलंब केला तर, बिल्डर तुमच्याकडून जास्तीचे पैसे आकारू शकतो.
पेमेंटचा अंतिम आकडा माहित करून घेणे गरजेचे आहे :
फ्लॅट खरेदी करताना फायनल पेमेंटमध्ये सर्व गोष्टींचा समावेश असतो. परंतु तुम्ही प्रत्येक गोष्टीची म्हणजेच या किमतीमध्ये काय काय समाविष्ट आहे या सर्व गोष्टींची माहिती करून घेणे गरजेचे आहे. ज्यामध्ये ईडीसी, पीएलसी, इलेक्ट्रिफिकेशन, पार्किंग यांसारख्या इतर शुल्कांचा समावेश आहे का हे तपासा.
बऱ्याचवेळा तुम्ही स्टारसोबत करार करता अशावेळी सर्व शर्ती आणि अटी आम्हाला मंजूर आहेत असं अगदी बारीक अक्षरात लिहिलेलं असतं. याचाच फायदा बिल्डर घेऊ शकतात आणि तुमच्याकडून अधिक पैशांची मागणी करू शकतात. जसे की प्रशासनाकडून गॅस पाईपलाईन यांसारख्या गोष्टींसाठी 5,000 रुपये देतात. परंतु बिल्डर तुमच्याकडून या शुल्लक गोष्टींचे 50,000 हजार आकारू शकतात. त्यामुळे तुम्हाला तोटा सहन करावा लागू शकतो.
Latest Marathi News | Property Knowledge 18 September 2024 Marathi News.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Tata Technologies Share Price | टाटा टेक्नॉलॉजीज शेअरबाबत तज्ज्ञांचा महत्वाचा सल्ला, स्टॉक BUY करावा की Sell? - Marathi News
- Multani Mitti Face Pack | तुमचा 'हा' स्किन टाईप असल्यास कधीही मुलतानी मातीचा वापर करू नका, तज्ज्ञांचा सल्ला - Marathi News
- Bigg Boss Marathi | दोघींची मैत्री 4 दिवस सुद्धा नाही टिकली; आर्या आणि जानवीची पुन्हा एकदा खडाजंगी - Marathi News
- True Beauty | रेडियंट ग्लो मिळवण्यासाठी फॉलो करा अभिनेत्री शरवरी वाघच्या ब्युटी टिप्स, चेहऱ्यावर वेगळेच तेज येईल
- Business Idea | बेकरी व्यवसाय करू इच्छिणाऱ्या तरुणांसाठी! या तरुणीने उभारला मोठ्या उद्योग, तुमची सुद्धा सुरु करा
- Reliance Share Price | रिलायन्स शेअरने दिला 547% परतावा, पुढेही मालामाल करणार हा शेअर - Maharashtranama Marathi
- Bigg Boss Marathi | संग्रामची अरबाजला ताकदीची धमकी; दोन बॉडी-बिल्डरची आपापसात झुंज, प्रोमो पाहिलात का?
- Devara Part 1 Movie | आता फक्त 'देवरा पार्ट 1' सिनेमाची चर्चा; एका तासात गाठला 10 मिलियन व्ह्यूजचा आकडा
- SBI Annuity Deposit Scheme | होणार गॅरंटीड कमाई! SBI च्या या योजनेत गुंतवणुकीवर दर महिन्याला परतावा मिळेल - Marathi News
- Body Fat Percentage | नियमित डायट फॉलो करूनही पोटावरची चरबी कमी होत नाही? गंभीर कारण नोट करा - Marathi News