भाजपात दुसरी मेगाभरती १० ऑगस्टला?

मुंबई : भारतीय जनता पक्षात दुसरी मेगाभरती १० ऑगस्टच्या सुमारास होणार असल्याची माहिती सध्या समोर येत आहे. बुधवारी झालेल्या मेगाभरतीमध्ये भाजपाने काँग्रेस राष्ट्रवादीमधील एकूण ६ बड्या नेत्यांसह अनेक नगरसेवक, पदाधिकारी यांना पक्षप्रवेश दिला.

दरम्यान, १ ऑगस्टपासून भारतीय जनता पक्षाच्या महाजनादेश यात्रेचा शुभारंभ होणार आहे. यामध्ये ज्या ठिकाणी रोड शो, स्वागत कार्यक्रम, जाहीर सभा असतील तिथे स्थानिक पातळीवर पक्षप्रवेश होणार आहेत, अशी माहिती सूत्रांनी दिली.

या यात्रेचा पहिला टप्पा 9 ऑगस्टला संपत आहे. ३१ जुलैला ज्याप्रमाणे मेगाभरती झाली. तसाच एक मेगा पक्षप्रवेश 10 ऑगस्ट ला होणार असल्याची सूत्रांची माहिती आहे. त्यामुळे अजून किती व कोणकोणते आमदार भारतीय जनता पक्षाच्या वाटेवर वळतात हे पाहणे महात्त्वाचे ठरेल.