Step Up SIP l पैसे बँकेत ठेऊन वाढत नाहीत, स्टेप-अप एसआयपी पर्याय वापर आणि 1,02,47,261 रुपये परतावा मिळवा

Step Up SIP l कालांतराने थोडे पैसे गुंतवून मोठा फंड जमा करायचा असेल तर म्युच्युअल फंड एसआयपीमध्ये गुंतवणूक करणे हा उत्तम पर्याय आहे. म्युच्युअल फंड एसआयपीमध्ये दीर्घ काळासाठी थोडी गुंतवणूक करून तुम्ही कोट्यवधींचा फंड गोळा करू शकता.

रेग्युलर एसआयपी आणि दुसरी स्टेप-अप एसआयपी
म्युच्युअल फंड एसआयपीमध्ये गुंतवणुकीचे वेगवेगळे मार्ग आहेत. पहिली म्हणजे रेग्युलर एसआयपी आणि दुसरी स्टेप-अप एसआयपी. आज आम्ही तुम्हाला सांगणार आहोत की, 20 वर्षात 1 कोटींचा निधी जमा करण्यासाठी दोन्ही पद्धतींमध्ये दरमहा किती गुंतवणूक करावी. चला जाणून घेऊया.

1 कोटीपर्यंतच्या फंडासाठी रेग्युलर एसआयपी
रेग्युलर एसआयपीमध्ये तुम्हाला दरमहिन्याला ठराविक रक्कम एसआयपीमध्ये गुंतवावी लागते. जर तुम्हाला 20 वर्षात 1 कोटींचा फंड जमा करायचा असेल तर तुम्हाला 20 वर्षांसाठी दरमहा एसआयपीमध्ये 11,000 रुपये गुंतवावे लागतील. असे केल्याने तुम्ही 20 वर्षांत एकूण 26,40,000 रुपयांची गुंतवणूक कराल. 12 टक्के परताव्यासह तुम्हाला एकूण 74,78,431 रुपये व्याज मिळेल. त्यामुळे 20 वर्षांनंतर तुमच्याकडे एकूण 1,01,18,431 रुपये जमा होतील.

स्टेप-अप एसआयपीने एक कोटीपर्यंत फंड मिळवा
स्टेप-अप एसआयपीला टॉप-अप एसआयपी देखील म्हणतात. या पद्धतीत तुम्हाला वार्षिक आधारावर मासिक एसआयपीमध्ये 10 टक्के वाढ करावी लागते. उदाहरणार्थ, जर तुम्ही 5000 रुपयांच्या मासिक एसआयपीपासून सुरुवात केली तर तुम्हाला दरवर्षी त्यात 10 टक्के वाढ करावी लागेल. 5000 पैकी 10 टक्के म्हणजे 500 रुपये. अशापरिस्थितीत तुम्हाला पुढील वर्षी दरमहा एसआयपीमध्ये 5500 रुपयांची गुंतवणूक करावी लागेल.

स्टेप-अप एसआयपीच्या माध्यमातून 1 कोटीपर्यंतचा फंड जमा करायचा असेल तर दरमहा 5500 रुपयांच्या एसआयपीपासून सुरुवात करून त्यात वार्षिक 10 टक्के वाढ करावी लागेल. अशा प्रकारे तुम्ही 20 वर्षांत 37,80,150 रुपयांची गुंतवणूक कराल. तुम्हाला 64,67,111 रुपये व्याज मिळेल. त्यामुळे 20 वर्षांनंतर तुमच्याकडे 1,02,47,261 रुपये होतील.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.