सुप्रिया'ज किचन - गव्हाच्या पिठाच्या कणकेचे मोदक, गणपती बाप्पाच्या आवडीचे उकडीचे मोदक

पाककृती - (Procedure)

1. सर्वात प्रथम परातीमध्ये गव्हाचे पिठ ,थोडेसे मीठ आणि पाणी घालून घट्ट कणीक मळून घ्यावी .
2. सारण बनवण्यासाठी गॅस सुरू करून एका नॉनस्टिक पॅनमध्ये 1 चमचा साजूक तूप घालून गरम होऊ द्यावे त्यानंतर त्यामधे खसखस घालून परतून . त्यामधे गूळ घालून व्यवस्थित मिक्स करून गुळ वितळून घ्यावा त्यानंतर त्यामधे किसलेले ओले खोबरे वेलची पावडर व चिमूठभर मीठ घालून सारण सोनेरी रंगाचे होईपर्यंत परतावे.
3. ४-५ मिनटात हे सारण तयार होईल. हे सारण पूर्ण थंड झाल्यावरच मोदकात भरण्यासाठी वापरावे.
4. कणीक व्यवस्थित मळून झाली कि त्याचे सुपारी इतके गोळे करून लाटून त्याची पारी तयार करावी. त्यात एक चमचाभर सारण भरून बोटाने पारीच्या चुण्या कराव्यात आणि सर्व चुण्या एकत्र आणून मोदक बंद करावा. अश्याप्रकारे सर्व मोदक करून घ्यावेत.
5. मोदक वाफवण्यासाठी गॅस सुरू करून कुकर मध्ये थोडे पाणी घालून व त्यावरती चाळणीला थोडे तेल लावून पाणी उकळण्यासाठी ठेवावे.
6. पाणी उकळले की त्या चाळणी मध्ये जितके बसतील तितके मोदक ठेवावेत व त्यावरती झाकण ठेवून 12-15 मिनिट वाफ काढून घ्यावी.
7. अश्याप्रकारे सर्व मोदक उकडून घ्यावेत व गॅस बंद करावा.
8. गणपती बाप्पाला मोदकांचा नैवेद्य दाखवून गरमागरम मोदक खावेत.

टीप:
१) आवडत असल्यास सारणात काजू-बदामाचे पातळ काप घालू शकता.
2) हळदीच्या पानांमध्ये उकडीचे मोदक वाफवून घेतल्यास मोदकांचा स्वाद छान येतो.