पैठणकर या मराठी ब्राह्मण कुटुंबियांना गुजरात्यांकडून मारहाण; सेनेची 'प्रवृत्तीवरून' गुळचट भूमिका

ठाणे : शहरातील नौपाडा परिसरातील पैठणकर या मराठी कुटुंबाला झालेल्या मारहाणी विरोधात महाराष्ट्र नवनिर्माण सेनेने आक्रमक भूमिका घेतल्याचे दिसते. लिफ्टचा दरवाजा चुकून अर्धवट उघडा राहिल्याच्या शुल्लक चुकीमुळे नौपाड्यातील पैठणकर या मराठी ब्राम्हण कुटुंबियांना हसमुख शहा या गुजराती पिता-पुत्राने अत्यंत खालच्या भाषेतील शिवीगाळ करून बेदम मारहाण केली. या मारहाणीचा व्हिडीओ देखील समाज माध्यमांवर व्हायरल झाल्याने महाराष्ट्र नवनिर्माण सेनेकडून या प्रकाराची गंभीर दखल घेण्यात आली आहे.

दरम्यान, सदर प्रकार समजताच महाराष्ट्र नवनिर्माण सेनेचे ठाण्याचे जिल्हाध्यक्ष अविनाश जाधव यांनी नौपाडा भागात मराठी कुटुंब मोठ्या प्रमाणात वास्तव्य करत असताना अशाप्रकारे मराठी कुटुंबाला मारहाण होणं हे अत्यंत दुर्दैव असल्याचं म्हटलं आहे. स्थानिक महाराष्ट्र नवनिर्माण सेनेचे पदाधिकारी आणि कार्यकर्ते हसमुख शहा यांना शोधण्यासाठी गेले असताना त्यांनी घराचा दरवाजाच उघडला नाही. विशेष म्हणजे 5 दिवसांपूर्वी सदर घटना घडली तरी देखील आजपर्यंत हसमुख शहा याच्यावर ना गुन्हा दाखल झाला आहे ना अटक आणि त्यामुळे येथे प्रचंड संताप व्यक्त करण्यात येतो आहे.

यावर तीव्र प्रतिक्रिया देताना मनसेचे अविनाश जाधव यांनी म्हटलं आहे की, हसमुख शहा जिथे कुठे भेटेल त्याला मारल्याशिवाय महाराष्ट्र सैनिक गप्प बसणार नाही. मराठी माणसाने शांत बसू नका, ठाण्यात जे उदाहरण घडलं ते उदय तुमच्या सोबत देखील घडू शकेल. आम्ही मतांसाठी लाचार नाही. मराठी माणसांवर कोणी हात उचलेल तर ते सहन करणार नाही. अशी घटना पुन्हा घडण्यापूर्वी यांना वेळीच ठेचणार असा इशारा अविनाश जाधव यांनी दिला आहे.

धक्कादायक म्हणजे यावर शिवसेनेने निवडणूक असल्याने गुळगुळीत भूमिका घेतली असून सर्व विषय पोलिसांवर वर्ग केला आहे. मात्र मराठी माणसाच्या जन्मलेली शिवसेना असं भाषणात असून ठाणे आणि मुंबईतील गुजराती आणि उत्तर भारतीय मतांसाठी शिवसेना नेहमीच लोटांगण घालत असल्याचं अनेकवेळा पाहायला मिळालं आहे. शिवसेनेचे ठाण्यातील पदाधिकारी नरेश म्हस्के यांनी दिलेल्या प्रतिक्रियेतून शिवसेना निवडणुकांमुळे गुळचट भूमिका घेऊन, मतांसाठी नेहमीच मराठी माणसाला एकटं पडल्याचं हे अजून एक उदाहरण समोर आलं आहे. सदर गुजराती व्यक्तीला कचाट्यात न पकडता त्याला ‘प्रवृत्ती’ असं टॅग देऊन, मराठीपणावर साधं बोट देखील नरेश म्हस्के यांनी ठेवलं नाही आणि निवडणुकीच्या प्रवृत्तीने राजकीय टिपणी केल्याचं स्पष्ट दिसत आहे.