गॅस गळतीच्या शक्यतेने मुंबईत भीतीचे वातावरण; आपत्कालीन यंत्रणा सज्ज

मुंबई: मुंबईच्या पूर्व उपनगरातील बहुतांश भागात गॅसची दुर्गंधी पसरल्यानं नागरिकांमध्ये मोठी घबराट उडाली होती..मानखुर्द, चेंबूर, घाटकोपर, पवई, हिरानंदानी, चकाला अशा विविध भागातून अग्निशमन दलाकडे तक्रारी आल्या..तक्रारींची दखल घेत अग्निशमन दलाने घटनास्थळी धाव घेतली तर चेंबूरमध्ये असलेल्या राष्ट्रीय केमिकल फर्टिलायझर असल्यानं मनपा अधिकाऱ्यांनी तेथे पाहणी केली.. मात्र ही गॅस गळती नेमकी कुठे झाली याचा अद्याप शोध लागलेला नाही.

मुंबईच्या पूर्व उपनगरातील विविध भागात गॅसची दुर्गंधी येत असल्याची शंका बऱ्याच स्थानिक नागरिकांनी सोशल मीडियावर उपस्थित केली. काही रहिवाशांनी अग्निशमन दलाच्या अधिकाऱ्यांना संपर्कही साधला. या तक्रारींची दखल घेत अग्निशमन दलाच्या गाड्या घटनास्थळी तातडीने रवाना झाल्या. दरम्यान, या प्रकरणाची दखल घेत मुंबई महापालिकेने इतर केमिकल कंपन्यांना सतर्कतेचा इशारा दिला. ‘देवनार, मानखुर्द, चेंबूर, विक्रोळी, दिंडोशी, विले पार्ले, कांदिवली, दहिसर भागात सध्या अग्निशमन दलाच्या ९ गाड्या रवाना झाल्या असून गॅस गळती नेमकी कुठे झाली आहे याचा तपास सुरू आहे’ अशी माहिती महापालिकेने दिली.

Mahanagar Gas Limited (MGL): Since late evening, MGL has been receiving complaints of gas smell from various parts of Mumbai. Our emergency teams have spread out to sites from where complaints have been received.

— ANI (@ANI) September 19, 2019

मुंबईत गॅस गळतीच्या, गॅसचा वास येत असल्याचा तक्रारी रात्री नागरिक करत होते. पोलीस,अग्निशमन दल तसेच विविध गॅस कंपन्यांचे अधिकारी तपास करीत होते पण कुठेही काहीही आढळल नाही.पूर्व आणि पश्चिम उपनगरातील अनेक ठिकाणाहून गॅस गळतीच्या तक्रारी आल्याने अग्निशमन दलाने अनेक ठिकाणी गाड्या पाठवल्या. तसेच अन्य यंत्रणांना देखील अलर्ट केले. गॅस गळतीच्या वृत्तामुळे नागरिकांमध्ये भीतीचे देखील वातावरण निर्माण झाले होते. पण तपासानंतर कुठेही गळती झाली नसल्याचे समोर आले आहे. गळतीचे वृत्त नसले तरी अग्निशमन दल आणि पोलिस अलर्ट आहेत.

We have recieved complaints from citizens about odour of some unknown gas in eastern and western suburbs. MCGM has mobilized all concerned agencies. 9 fire engines have been mobilized at various places to find out source of leakage. For any queries, please call 1916 #MCGMUpdates

— माझी Mumbai, आपली BMC (@mybmc) September 19, 2019

गुरुवारी संध्याकाळपासून गॅस दुर्गंधीची तक्रार आमच्याकडे करण्यात करण्यात आली होती. या तक्रारी मुंबईच्या अनेक भागातून येत होत्या असे महानगर गॅस लिमिटेडने सांगितले. तक्रारीनंतर संबंधीत पथकांना घटनास्थळी पाठवण्यात आले आहे. दरम्यान, गॅसच्या पाईपलाईनमध्ये गळती नसल्याचे महानगर गॅसने स्पष्ट केले आहे.

Unconfirmed information of some leakage in RCF Chembur had been reported. However there is no leakage in RCF;
MGL has mobilised 8 mobile emergency vans to check leakage of PNG/CNG gas. #gasleak

— माझी Mumbai, आपली BMC (@mybmc) September 19, 2019