शिवनेरीवर फाल्गुन वद्य तृतीया तिथीप्रमाणे शिवजयंती उत्सव साजरा

जुन्नर : किल्ले शिवनेरीवर आज ‘शिवनेरी स्मारक समितीच्या’ पुढाकाराने फाल्गुन वद्य तृतीया तिथीप्रमाणे शिवजयंती उत्सव साजरा करण्यात आला. शिवनेरी स्मारक समितीने मोठ्या जल्लोषात साजरा करण्यात आला.

जागतिक युवा तत्त्वज्ञान परिषदेचे युवा तत्वज्ञ श्री. लक्ष्मीकांत पारनेरकर यांनी त्यांच्या पत्नीसमवेत उपथिती लावून शिवाई मातेस अभिषेक केला. या उत्सवाला समितीचे इतर पदाधिकारी आणि शिवप्रेमी मोठ्या संख्येने उपस्थित होते. त्यावेळी विविध कार्यक्रमांचे आयोजन करण्यात आले होते. त्याप्रसंगी शिवाई मंदिरापासून ते शिवजन्मस्थाना पर्यंत छबिना पालखी मिरवणूक काढण्यात आली, तसेच बाल वारकऱ्यांच्या टाळ आणि मृदूंगाच्या साथीत पारंपरिक पध्दतीने मिरवणूक काढण्यात आली होती.

शिवजन्म साजरा केल्यानंतर ध्वजारोहण आणि धर्मसभा झाली त्यादरम्यान रेश्मा कोकणे यांना ‘जिजाऊ पुरस्कार’ देऊन सन्मानित करण्यात आले. किल्ले शिवेनरीच्या पायथ्याशी महाप्रसादाचे आयोजन करण्यात आले होते.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.