किशोर शिंदे भाजपात या; शिंदे म्हणाले 'आधी मेधा कुलकर्णी व मुरली मोहोळ यांना सांभाळा'

पुणे: कोथरूड विधानसभा मतदारसंघाचे भारतीय जनता पक्षाचे अधिकृत उमेदवार आणि भाजपचे प्रदेशाध्यक्ष चंद्रकात पाटील यांनी आज मतदान केंद्रावरच प्रतिस्पर्धी उमेदवाराला भारतीय जनता पक्षात प्रवेशाची खुली ऑफर देऊन टाकली. मात्र, वेळेचं बंधन ना पाहता चंद्रकांत पाटलांची ही ऑफर महाराष्ट्र नवनिर्माण सेनेचे अधिकृत उमेदवार किशोर शिंदे यांनी स्पष्ट शब्दांत संगळ्यांसमोरच नाकारली. परंतु, खेळीमेळीत दिली गेलेली ही ‘ऑफर’ सध्या चर्चेचा विषय बनली आहे.

दरम्यान, आज महाराष्ट्र विधानसभा निवडणुकीसाठी सकाळपासून मतदानाला सुरुवात झाली आहे. सुरुवातीला काहीसा थंड प्रतिसाद पाहायला मिळाला, मात्र अकरानंतर एकूण टक्केवारीत फरक पडताना दिसला. सर्वच क्षेत्रातील आणि राजकारणातील मान्यवर मतदानासाठी बाहेर पडत लोकांना मतदानासाठी आवाहन करताना दिसले. राज्यातील दिग्गज नेते सुद्धा मतदानासाठी उतरले असून उमेदवार आपापल्या मतदारसंघातील मतदान केंद्रांवर फेरफटका मारून परिस्थितीचा अंदाज घेत आहेत.

कोथरूड विधानसभेचे भारतीय जनता पक्षाचे उमेदवार चंद्रकांत पाटील यांनी देखील आज मयूर कॉलनीमधील जोग शाळेतील मतदान केंद्राला भेट दिली. त्याचवेळी त्यांचे प्रतिस्पर्धी उमेदवार किशोर शिंदे तिथं उपस्थित होते. त्याचवेळी दोन्ही उमेदवार एकेमकांच्या समोर आले. नेमकी यावेळी दोघांमध्ये खेळीमेळीच्या वातावरणात धावत्या गप्पा झाल्या. मात्र बोलण्याच्या ओघात चंद्रकांत पाटील यांनी मनसेचे किशोर शिंदे यांना थेट भारतीय जनता पक्षात येण्याची खुली ऑफर दिली. किशोर शिंदे यांनी देखील चंद्रकांत पाटलांची संभ्रम निर्माण करणारी खेळी अचूक ओळखली आणि क्षणाचाही विचार न करता ही ऑफर सर्वांसमोर धुडकावली आणि आधी माजी आमदार मेधा कुलकर्णी आणि मुरली मोहोळ यांच्याकडं थोडं लक्ष द्या, अशी सूचना शिंदेंनी पाटलांना केली आणि सर्वांना एकच हसू आल्याचं पाहायला मिळालं.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.