फेसबुकवर न्यूजसाठी वेगळं सेक्शन लाँच करणार

मुंबई: फेसबुकचा वापर हा मोठ्या प्रमाणात केला जातो. भारतात घडणाऱ्या घडामोडींची बरीचशी माहिती युजर्स फेसबुकवर व्हायरल होणाऱ्या बातम्यांमधूनच मिळते. दरम्यान, देशभरातील विविध प्रसार माध्यमं फेसबुकचा वापर करून स्वतःच्या पोर्टलवरील बातम्या जास्तीत जास्त ग्राहकांकडे पोहोचवतात. मात्र देशभरात इतके स्थानिक आणि इंग्रजी भाषेतील न्युज चॅनेल्स आणि पोर्टल्स आहेत की युजर्स प्रत्येक पोर्टल किंवा चॅनेलला फॉलो करतंच असेल असं नाही.

त्याअनुषंगाने आता स्वतः फेसबुकने एक महत्वाचा निर्णय घेतला आहे. कारण हेच लोकप्रिय मेसेजिंग अ‍ॅप आपल्या युजर्ससाठी एक नवनवीन फीचर आणत आहे. फेसबुकवर लवकरच आपल्या प्लॅटफॉर्मवर एक नवीन सर्व्हिस सुरू लाँच करणार आहे. युजर्सना आता फेसबुकवर नवा न्यूज सेक्शन मिळणार आहे. त्या न्यूज सेक्शनमध्ये जगभरातील प्रसार माध्यमाच्या सर्व बातम्या या युजर्सना एकाच ठिकाणी पाहाता येणार आहेत. तत्पूर्वी फेसबुकचे सीईओ मार्क झुकेरबर्ग यांनी फेसबुकमध्ये लवकरच एक न्यूज टॅबचा समावेश करण्यात येणार असल्याची माहिती प्रसिद्ध केली होती.

Facebook CEO Mark Zuckerberg arrives to testify before a joint hearing of the Commerce and Judiciary Committees on Capitol Hill in Washington, Tuesday, April 10, 2018, about the use of Facebook data to target American voters in the 2016 election. (AP Photo/Andrew Harnik)

न्यूज सेक्शन या नव्या सर्व्हिससाठी फेसबुक न्यूज प्रोव्हाईड करणाऱ्या वेबसाईट आणि एजन्सीसोबत सविस्तर चर्चा करत आहे. मिळालेल्या माहितीनुसार, फेसबुकने आपल्या प्लॅटफॉर्मवरून न्यूज सेक्शन सुरू करण्यासाठी जगभरातील प्रमुख मीडिया कंपन्यांशी चर्चा सुरू केल्याचे वृत्त आहे. यामध्ये न्यूयॉर्क पोस्ट, वॉशिंग्टन पोस्ट, समाचार कॉर्प सारख्या मीडिया हाऊस आणि काही पब्लिकेशन्स देखील त्यात समाविष्ट आहेत. परंतु फेसबुकने याबाबत कोणतीही माहिती सध्या सार्वजनिक केलेली नाही नाही. एका हिंदी वेबसाईटने याबाबतचे अधिकृत वृत्त दिले आहे.