मोदींना चपराक! खरंतर 'तुकडे-तुकडे गॅंग' तुमचा IT सेल आहे - रेणुका शहाणे

मुंबई: नागरिकत्व दुरूस्ती विधेयकाविरोधात रविवारी दिल्लीतील जामिया विद्यापीठाच्या परिसरात जोरदार निदर्शनं झाली व हिंसाचार उफाळला होता. या पार्श्वभूमीवर रात्री उशीरा ताब्यात घेण्यात आलेल्या जवळपास ५० निदर्शकांना सोमवारी पहाटेच्या सुमारास पोलिसांनी सोडले आहे. दुसऱ्या दिवशीही जामिया विद्यापीठामधील वातावरण तापलेले आहे.

जामिया मिलिया विद्यार्थ्यांच्या व शिक्षकांच्या संघटनांनी या हिंसाचाराशी विद्यार्थ्यांचा काही संबंध नाही. कॅम्पसबाहेरचे हे आंदोलन व हिंसाचार स्थानिक लोकांनी केले व बदनाम करण्यासाठी त्याचे खापर आमच्यावर फोडले, असा आरोप विद्यार्थी संघटनेने केला. एनएसयूआयचे राष्ट्रीय सचिव सैमन फारुकी प्रसार माध्यमांना म्हणाले की, आंदोलक मथुरा रोडवर शांततापूर्ण आंदोलन करत होते. आंदोलक-पोलिसांमध्ये वाद झाला. तणावात त्यामुळे वाढ झाली. पोलिसांनी लाठीमार सुरू केला. संतप्त जमावाने त्यामुळे बसेस जाळल्या.

दिल्लीतील जामिया मिलिया इस्लामिया विद्यापीठात विद्यार्थ्यांनी केलेल्या आंदोलनानंतर काँग्रेसचे नेते राहुल गांधी ट्विट करून मोदी सरकारवर संताप व्यक्त केला आहे. मोदी सरकारनं लागू केलेल्या नागरिकत्व दुरूस्ती कायदा आणि एनआरसी कायदा हे दोन्ही कायदे भारतीयांमध्ये फूट पाडणारी अस्त्रे असल्याची टीका राहुल गांधी यांनी केली आहे. त्याचबरोबर याचा विरोध करण्यासाठी अहिंसक मार्गानं सत्याग्रह करणे हाच चांगला मार्ग आहे, असंही राहुल गांधी म्हणाले आहेत.

विशेष म्हणजे समाज माध्यमांवर काहीसा बॅकफूटवर गेलेला आणि सुस्तावलेले भाजप आयटी सेल पुन्हा सक्रिय झाल्याचं पाहायला मिळत आहे. भाजप संबंधित मृत अवस्थेत गेलेले फेसबुक ग्रुप्स पुन्हा सक्रिय झाल्याचं पाहायला मिळत आहे. समाज माध्यमांवर अनेक चुकीचा गोष्टी समाजात तेढ निर्माण करून लोकांमध्ये विष पसरविण्याचं काम करत असल्याचं पाहायला मिळत आहे.

पंतप्रधान नरेंद्र मोदी यांनी नागरिकत्व कायद्यावरुन सुरु असलेल्या हिंसाचारावर बोलताना हे सर्व दुर्दैवी आणि त्रासदायक असल्याची प्रतिक्रिया सोमवारी ट्विटवरुन दिली. मोदी यांनी एकमागोमाग एक ट्विट करत सध्या सुरु असलेल्या हिंसाचारावर नाराजी व्यक्त करत शांतता राखण्याचं आवाहन केलं आहे. “सुधारित नागरिकत्व कायद्यावरुन सुरु असलेली हिंसक निदर्शने दुर्दैवी आणि खूप त्रासदायक आहेत. वादविवाद, चर्चा आणि मतभेद हे लोकशाहीचे भाग आहेत. पण सरकारी मालमत्तेचं नुकसान करणं तसंच दैनंदिन आयुष्यात बाधा निर्माण करणं आपल्या नैतिकतेला धरुन नाही,” असं मोदींनी आपल्या ट्विटमध्ये म्हटलं आहे.

त्या अनुषंगाने मराठी आणि हिंदी चित्रपट कलाकार रेणुका शहाणे यांनी मोदींच्या शांततेच्या ट्विटला रिट्विट करत म्हटलं आहे, “सर! कृपया तुमच्या आयटी सेल’च्या सर्व ट्विटर हॅण्डल्सला ट्विटरपासून दूर राहायला सांगा. कारण तेच सर्वाधिक अफवा, खोटी माहिती पसरवत आहेत आणि बंधुता, शांतता आणि ऐक्या बाधित करत आहेत. दशातील खरी. “तुकडे तुकडे” टोळी तुमची आयटी सेल आहे सर. कृपया त्यांना द्वेष पसरविण्यापासून थांबवा’ असं म्हणत रेणुका शहाणे यांनी मोदींना चांगलीच चपराक दिली आहे.

Sir, please ask people to stay away from all your IT cell Twitter handles then. They spread the most amount of rumours, falsehoods and are totally against brotherhood, peace and unity. The real.”tukde tukde” gang is your IT cell sir. Please stop them from spreading hate 🙏🏽🙏🏽 https://t.co/bMaXDFnvsP

— Renuka Shahane (@renukash) December 16, 2019

Web Title:  Film Actress Renuka Shahane Slams PM Narendra Modi over BJP IT Cell Team.