#VIDEO - ठाणे रेल्वे स्थानकात चक्क कचऱ्याच्या डब्यात चहाचे ग्लास धुतले जातात

ठाणे: सामान्य लोकांचा आरोग्याच्या बाबतीत सार्वजनिक ठिकाणी आढळणारे फेरीवाले आणि स्टॉल्स नेहमीच अस्वच्छतेचाच पाढा गिरवतात हे अनेकदा समोर आलं आहे. गटाराच्या पाण्यात भाजीपाला धुणे आणि पाणीपुरी बनविण्यासाठी लागणारं पाणी थेट बाजूच्या सुलभ सौचालायातून व्हिडिओ समाज माध्यमांवर व्हायरल झाल्याचं आपण पाहिलं असेल, मात्र त्यात अजून एक भर पडली आहे असंच म्हणावं लागेल.

ठाणे रेल्वे स्थानकावर असलेल्या स्टॉलवरील एक व्यक्ती त्या ठिकाणी सुक्या कचऱ्यासाठी ठेवलेल्या कचरापेटीत चहाचे कप धुताना दिसत आहे. मंदार अभ्यंकर नावाच्या एका जागरूक प्रवाशानं यासंदर्भातील एक व्हिडीओ ट्विटरवर शेअर केला आहे. या व्हिडीओत ती व्यक्ती चहाचे ग्लास धुत असलेल्या डब्यातच आपलं बनियानही धुताना दिसत आहे. त्यामुळे हा किळसवाणा प्रकार समोर आल्यानं समाज माध्यमांवर चांगलाच रेल्वे खात्याचा चांगलाच समाचार घेतला जात आहे.

काय आहे नेमका व्हिडिओ;

#VIDEO – ठाणे रेल्वे स्थानकात चक्क कचऱ्याच्या डब्यात चहाचे ग्लास धुतले जातात@PiyushGoyal @Central_Railway @WesternRly @narendramodi @PMOIndia @NCPspeaks @INCIndia @ThaneCityPolice pic.twitter.com/rFKBi9hzw2

— महाराष्ट्रनामा न्यूज (@MahanamaNews) December 20, 2019

Web Title:  Thane City Railway Station Food Authorized Stall Man Washes Tea Cups in Public Dustbin Video Viral.