हे असले बिनडोक फडणवीस यांचे सल्लागार होते; वरुण सरदेसाईंचा श्वेता शालिनी यांना टोला

मुंबई: भारतीय जनता पक्षाच्या प्रवक्त्या आणि माजी मुख्यमंत्री देवेंद्र फडणवीस यांच्या सल्लागार म्हणून परिचित असलेल्या श्वेता शालिनी यांच्यावर शिवसेना युवा नेते वरुण सरदेसाई यांनी जेएनयू’संबंधित ट्विट वरून खोचक टीका करत, फडणवीस यांना देखील अप्रत्यक्ष लक्ष केलं आहे. JNU’मध्ये काल रात्री झालेल्या हल्ल्यावरून देशभर आंदोलन आणि घटनेवर टीका होतं असताना श्वेता शालिनी यांनी भलतंच ट्विट केली आहे.

त्या ट्विट मध्ये श्वेता शालिनी यांनी म्हटलं आहे की, ‘Let’s shut down JNU. ना रहेगा बाँस ना बजेगी बाँसुरी’ असं असंवेदनशील ट्विट केल्याने नेटकऱ्यांनी त्यांच्यावर टीकेची झोड उठवली आहे आणि त्यालाच अनुसरून वरुण सरदेसाई यांनी श्वेता शालिनी यांना सणसणीत टोला लगावला आहे.

Let’s shut down JNU.
ना रहेगा बाँस ना बजेगी बाँसुरी

— Shweta Shalini (@shweta_shalini) January 5, 2020

वरुण सरदेसाई यांनी ट्विटला प्रतिउत्तर देताना म्हटलं आहे, ‘हे असले बिंडोक मा. मुख्यमंत्री फडणवीसजी यांचे ‘advisor’ होते?!?!…….असला ‘advise’ ऐकला तर सगळ्या University बंद करून, तरुणांना चहा – पकोडे चे स्टॉल उघडून द्यावे लागतील’.

हे असले बिंडोक मा. मुख्यमंत्री @Dev_Fadnavis जी यांचे ‘advisor’ होते?!?!

असला ‘advise’ ऐकला तर सगळ्या University बंद करून, तरुणांना चहा – पकोडे चे स्टॉल उघडून द्यावे लागतील. https://t.co/8ClQPdf20X

— Varun Sardesai (@SardesaiVarun) January 6, 2020

दरम्यान, जेएनयूमधील हिंसाचाराच्या घटनेचा निषेध करण्यासाठी पुण्यातील गरवारे कॉलेजबाहेर विद्यार्थ्यांनी आंदोलन केले. पंतप्रधान नरेंद्र मोदी आधुनिक हिटलर असल्याचे पोस्टर्सही आंदोलकांनी हाती घेतले होते. यावेळी आंदोलक विद्यार्थ्यांनी केंद्रीय गृहमंत्री अमित शाह यांचा उल्लेख ‘तडीपार’ असा केलेले फोटो हाती पकडले होते. सुरक्षित शिक्षण हा आमचा अधिकार असल्याचे पोस्टर्स विद्यार्थ्यांनी दाखवले. या आंदोलनात विद्यार्थ्यांबरोबरच विद्यार्थिनीही सहभागी झाल्या होत्या हे विशेष.

तत्पूर्वी जेएनयूत विद्यार्थ्यांवर झालेल्या हल्ल्याच्या घटनेने विद्यापीठाच्या कॅम्पसमध्ये तणावाचे वातावरण आहे. रात्रभर कॅम्पस, एम्स तसेच दिल्ली पोलीस मुख्यालयाबाहेर विद्यार्थ्यांचे आंदोलन सुरू आहे. या आंदोलनाला काँग्रेसने पाठिंबा दिला आहे. एम्समध्ये दाखल करण्यात आलेल्या जखमी विद्यार्थ्यांना भेटू दिले जात नाही, असा आरोप काँग्रेसने केला आहे. काँग्रेस नेते सलमान खुर्शीद यांनी एम्समध्येच धरणे आंदोलन करत प्रशासनाचा निषेध केला. दरम्यान, जेएनयू कॅम्पसमध्ये पोलिसांनी रात्री फ्लॅग मार्च केला.

मुंबईत गेट वे ऑफ इंडिया येथे मध्यरात्री विद्यार्थ्यांनी कँडल मार्च काढत या हल्ल्याचा निषेध केला तर पुण्यातही एफटीआयआयच्या विद्यार्थ्यांनी निदर्शने करत आपला संताप व्यक्त केला आहे. जेएनयूमधील विद्यार्थ्यांवर झालेल्या भ्याड हल्ल्याचे प्रतिसाद पुण्यातील शिक्षण संस्थांमध्ये उमटले असून, एफटीआयआयमधील विद्यार्थ्यांनी रात्री उशिरा संस्थेसमोर एकत्र येत हल्ल्याचा निषेध केला. तसेच अखिल भारतीय विद्यार्थी परिषदेच्या विरोधात घोषणाबाजी करत जेएनयूमधील विद्यार्थ्यांना जाहीर पाठिंबा दर्शविला आहे.

Web Title:  Shivsena Leader varun Sardesai Slams Shweta Shalini over JNU Twit.