इराकमधील अमेरिकी दूतावासाजवळ क्षेपणास्त्र हल्ला

बगदाद: इराणने इराकमधील अमेरिकेच्या दोन लष्करी तळांवर २२ क्षेपणास्त्रे डागल्याने इराण आणि अमेरिकेतील संघर्ष तीव्र झाला असतानाच बुधवारी रात्री उशिरा पुन्हा एकदा इराकची राजधानी बगदादमधील सुरक्षेची तटबंधी असलेल्या ग्रीन झोनमध्ये दोन कत्युशा क्षेपणास्त्रे डागण्यात आली आहेत. या हल्ल्यात कोणतीही हानी झालेली नाही असा दावा, इराकी सैन्याने केला आहे. सूत्रांच्या म्हणण्यानुसार, अमेरिकेच्या दूतावासापासून अवघ्या १०० मीटर अंतरावर यातील एक क्षेपणास्त्र कोसळले. दरम्यान, या हल्ल्याची अद्याप कुणीही जबाबदारी घेतलेली नाही.

Iraqi military says two Katyusha rockets fell inside Baghdad’s Green Zone, no casualties: Reuters https://t.co/W3O9KjZLWq

— ANI (@ANI) January 8, 2020

इराणने इराकमधील अमेरिकी फौजांच्या २२ ठिकाणांवर क्षेपणास्त्र हल्ले केले. मात्र, त्यात इराकचे कुणीही मारले गेलेले नाही, असे इराक लष्कराने स्पष्ट केले. इराणी माध्यमांनी मात्र या हल्ल्यात अमेरिकेचे ८० सैनिक ठार केल्याचा दावा केला. सध्या इराकमधील तळांवर अमेरिकेचे एकूण पाच हजार सैनिक तैनात आहेत.

Two rockets hit Iraqi capital’s Green Zone, reports AFP news agency, quoting security sources.

— ANI (@ANI) January 8, 2020

अमेरिकन दूतावासाजवळ झालेल्या हल्ल्याची जबाबदारी अद्याप कोणीही स्वीकारलेली नाही. याआधी बुधवारी इराणनं इराकमधील अमेरिकेच्या लष्करी तळांवर २२ बॅलेस्टिक क्षेपणास्त्रांनी हल्ला केला. इराणचे लष्करी कमांडर कासिम सुलेमानी यांच्या हत्येचा बदला घेण्यासाठी हा हल्ला करण्यात आला. यानंतर अमेरिकेचे अध्यक्ष डोनाल्ड ट्रम्प यांनी देशाला संबोधित केलं. यामध्ये कोणतीही जीवितहानी झाली नसल्याचं ट्रम्प म्हणाले.

Web Title:  Two Rockets missiles Hit Iraqi Capitals Green Zone Security Sources.