भगवान गडावर पोहोचले मंत्री धनंजय मुंडे; पंकजा मुंडेंना टोला

बीड : राज्याचे सामाजिक न्यायमंत्री आणि बीड जिल्ह्याचे पालकमंत्री धनंजय मुंडे आज भगवानगडावर जाणार आहेत. मंत्री झाल्यानंतर मुंडे पहिल्यांदाच भगवान गडावर जातील. भगवानगडाचे महंत नामदेव शास्त्री यांनी धनंजय मुंडेंना मंत्री झाल्यावर भगवानगडावर दर्शनासाठी बोलावलं होतं. आज ते नारायणगड, भगवानगड आणि गहिनीनाथगडावर जाऊन महंतांचे आशीर्वाद घेणार आहेत. या पार्श्वभूमीवर तिन्ही गडावर धनंजय मुंडे यांच्या स्वागताची जय्यत तयारी करण्यात आली आहे.

सामाजिक न्याय मंत्री धनंजय मुंडे यांच्या स्वागतासाठी *भगवान गडावरील* तयारी pic.twitter.com/TSG2qurfme

— OfficeofDM (@OfficeofDM) January 9, 2020

सामाजिक न्याय मंत्री धनंजय मुंडे हे पदभार स्वीकारल्यानंतर आज पहिल्यांदाच भगवानगडावर आले. नगद नारायण गड, भगवान गड गहिनीनाथ गड व जिल्ह्यातील इतर कोणत्याही गडावर इथून पुढे राजकारण होणार नाही, होवू दिलं जाणार नाही. असा टोला त्यांनी लगावला. शक्ती पिठाचे दर्शन घेवून विकासाला सुरुवात करणा, मी उतणार नाही, मातणार नाही घेतलेला वसा टाकणार नाही हा शब्द मी तुम्हाला देतो असं सांगत त्यांनी भाजपच्या नेत्या पंकजा मुंडे यांना टोला लगावला. ते म्हणाले, विकासाचा हा शब्द देत धनंजय मुंडेनी नव्या इनिंग ला सुरुवात केली.

राज्याचा मंत्री म्हणून काम करण्याची संधी मिळेल तेव्हा भगवानगडावर येऊन बाबांचे दर्शन घ्यावे अशी आज्ञा गडाचे मठाधिपती शास्त्री महाराजांनी दिली. महाराजांची आज्ञा पाळत आज भगवानगडावर जाऊन बाबांचे दर्शन घेतले. pic.twitter.com/PZXWY1GqdR

— Dhananjay Munde (@dhananjay_munde) January 9, 2020

आम्हाला कोणालाही वाटले नव्हते की मी मंत्री होईन. मात्र आता मंत्री झालोय. त्यामुळे सर्वाधिक विकास बीड जिल्ह्याचा करायचा आहे. मी आज नारायणगडावर आशीर्वाद घेण्यासाठी आलो आहे. आशीर्वाद घेण्यापूर्वी रात्रीतून पालकमंत्रिपदाची घोषणाही झाली. आता कोणत्याही गडावरुन कसलंच राजकारण नाही, तर विकास होईल, असंही धनंजय मुंडे म्हणाले.

Web Title:  NCP leader and Minister Dhananjay Munde to visit Bhagwangad today.