इस्रोकडून GSAT-30 उपग्रहाचे यशस्वी प्रक्षेपण; इंटरनेट स्पीड वाढणार

नवी दिल्ली: भारतीय अवकाश संशोधन संस्थेने (इस्रो) जीसॅट-३० (GSAT-30) या दूरसंचार उपग्रहाचे यशस्वी प्रक्षेपण केले आहे. आज पहाटे २ वाजून ३५ मिनिटांनी दक्षिण अमेरिकेच्या कैरो बेटावरून उपग्रहाचे यशस्वी प्रेक्षेपण करण्यात आले. GSAT-30 या उपग्रहामुळे इंटरनेट क्षेत्रात नवी क्रांत्री होणार आहे. या नव्या आणि आधुनिक उपग्रहामुळे इंटरनेट आधिक गतीने चालणार आहे. त्याशिवाय जलवायूमध्ये होणारे बदल आणि हवामानाचं भाकितही वर्तवण्यासाठी या उपग्रहाची मदत होणार आहे.

Indian Space Research Organisation: India’s telecommunication satellite GSAT-30 was successfully launched into a Geosynchronous Transfer Orbit (GTO) from Kourou launch base in French Guiana by Ariane-5 VA-251, today. (Image Courtesy: Arianespace) pic.twitter.com/PVEfVCPMpK

— ANI (@ANI) January 16, 2020

GSAT-30चं वजन सुमारे ३१०० किलो असून लॉन्चिंगपासून १५ वर्षे हा उपग्रह कार्यरत राहणार आहे. या उपग्रहाला जिओ इलिप्टिकल ऑर्बिटमध्ये स्थापित करण्यात आलं आहे. यात दोन सोलर पॅनल आणि बॅटरी असून त्यामुळे ऊर्जा मिळणार आहे. यापूर्वी इनसॅट-४ए हा उपग्रह २००५मध्ये लॉन्च करण्यात आला होता. त्यामुळे आता हा नवा उपग्रह लॉन्च करण्यात आला असून त्यामुळे भारतातील दूरसंचार सेवेत सुधारणा होणार आहेत. त्यामुळे इंटरनेटचा स्पीड वाढणार आहे. विशेष म्हणजे मोबाइल सेवा ज्या क्षेत्रात अद्याप पोहचू शकलेल्या नाहीत, त्या क्षेत्रात या नव्या उपग्रहामुळे मोबाइल सेवा पोहचू शकणार आहेत.

RT Isro: #Ariane5 Flight #VA251 carrying #GSAT30 and EUTELSAT KONNECT successfully liftoff pic.twitter.com/PtIIqzRZDs

— Space and Isro News (@TheIndianSpace) January 16, 2020

व्हीसॅट नेटवर्क, टेलिव्हिजन अपलिंकिंग, टेलिपोर्ट सेवा, डिजिटल सॅटेलाइट, डीएसएनजी, डीटीएच टेलिव्हिजन सेवा आदी सेवांसाठी या उपग्रहाचा वापर होणार असून, हवामान बदल आणि हवामानाचा अंदाज समजण्यासाठी हा उपग्रह मदतगार ठरणार आहे. यंदाच्या वर्षी भारतातल्या इस्रोकडून एकूण १० उपग्रह प्रक्षेपित करण्यात येणार आहेत. यात आदित्य-एल १ उपग्रहाचाही समावेश आहे. या उपग्रहाला २०२० पर्यंत प्रक्षेपित केलं जाईल. मिशन सूर्याचा अभ्यास करणारा हा पहिला भारतीय उपग्रह ठरणार आहे.

Web Title:  ISRO successfully launched Indias first satellite of 2020 GSAT 30.