मुंबई मॅरेथॉन २०२० : १७व्या मुंबई मॅरेथॉन स्पर्धेला मोठा प्रतिसाद

मुंबई: आशियातील सर्वात सर्वात मोठी व मानाचा ‘गोल्ड लेबल’ दर्जा मिळालेल्या मुंबई मॅरेथॉनला मोठ्या उत्साहात सुरुवात झाली आहे. यंदाच्या मुंबई मॅरेथॉनमध्ये गतवर्षीच्या तुलनेत नऊ हजारांनी वाढलेली धावपटूंची संख्या नागरिकांमध्ये ‘फिटनेस’चे वाढलेले महत्त्व अधोरेखित करताना दिसत आहे. त्यात कडाक्याच्या थंडीला न जुमानता मुंबईकरांनी मोठ्या संख्येने मुंबई मॅरेथॉनला उपस्थिती लावली आहे. देश-विदेशातील नामांकित धावपटू विजेतेपद पटकावण्यासाठी सज्ज झाले असून यंदाही केनिया, इथियोपियाचे धावपटू यासाठी प्रबळ दावेदार मानले जात आहेत. मुंबई मॅरेथॉन टीमने ‘बी बेटर’ या थीमसह, घनकचरा व्यवस्थापनासाठी उचललेले विशेष पाऊल पाहता यंदाची ‘टीएमएम २०२०’ पर्यावरण रक्षणाचा संदेश दिला आहे.

Mumbai: CM Uddhav Thackeray flagged off the Dream Run of the 17th edition of the Mumbai Marathon today. Actor Rahul Bose is also participating in the Dream Run. Lyricist Gulzar was also present with the children during the run. pic.twitter.com/0SkTlY1z8A

— ANI (@ANI) January 19, 2020

छत्रपती शिवाजी महाराज टर्मिनस येथून या मॅरेथॉनला सुरुवात झाली आहे. तर वरळी डेअरी येथून अर्धमॅरेथॉनला सुरुवात झाली आहे. मुंबई मॅरेथॉनचे यंदाचे हे १७वे वर्ष असून, या प्रतिष्ठेच्या मॅरेथॉनमध्ये सुमारे ५५, ३२२ धावपटूंनी सहभाग निश्चित केला आहे. यामध्ये ९,६६० मुख्य मॅरेथॉन आणि १५ हजार २६० धावपटू अर्धमॅरेथॉनमध्ये सहभागी होती. त्याचप्रमाणे, खुली १०किमी रन (८,०३२), ड्रीम रन (१९,७०७), वरिष्ठ नागरिक रन (१,०२२), दिव्यांग (१,५९६) व पोलीस कप (४५ संघ) अशा इतर गटांमध्येही सहभागी झाले आहे.

मुख्यमंत्री मा. श्री. उद्धव बाळासाहेब ठाकरे यांच्या हस्ते आज टाटा मुंबई मॅरेथॉनच्या ड्रीम रन स्पर्धेचे उदघाटन करण्यात आले.

CM Uddhav Balasaheb Thackeray flagged off the dream run of the @TataMumMarathon this morning.@KirenRijiju @Jayant_R_Patil @ChhaganCBhujbal @AUThackeray pic.twitter.com/0Kok5FLfAP

— Office of Uddhav Thackeray (@OfficeofUT) January 19, 2020

भारतीयांमध्ये सेनादलाच्या श्रीनू बुगाथा आणि ऑलिम्पियन सुधा सिंग यांनी मुंबई मॅरेथॉनद्वारे टोक्यो ऑलिम्पिक स्पर्धेतील आपली जागा निश्चित करण्याचे उद्दिष्ट ठेवले होते. अर्धमॅरेथॉनमध्ये राष्ट्रीय विक्रमवीर अविनाश साबळे आणि मोनिका आथरे तसेच स्वाती गाढवे विजेतेपद पटकावण्यासाठी उत्सुक होते.

मुख्यमंत्री मा. श्री. उद्धव बाळासाहेब ठाकरे यांच्या हस्ते आज टाटा मुंबई मॅरेथॉनच्या ड्रीम रन स्पर्धेचे उदघाटन करण्यात आले.

नवचैतन्य घडवून आणणाऱ्या या मॅरेथॉनमध्ये सहभागी झालेल्या मुंबईकरांसह देश-विदेशातील स्पर्धकांना मुख्यमंत्री उद्धव बाळासाहेब ठाकरे यांनी प्रोत्साहन दिले. pic.twitter.com/8IulbX5TGE

— Office of Uddhav Thackeray (@OfficeofUT) January 19, 2020

Web Title:  Mumbai Marathon 2020 started in early morning.