विकृतांमुळे लेकीचं जगणं असह्य! सिल्लोडमध्ये घरात घुसून महिलेला पेटवलं

औरंगाबाद: महिलेवर रॉकेल टाकून तिला जिवंत जाळण्याचा प्रयत्न केल्याच्या प्रकरणात आरोपी संतोष सखाराम मोहिते याला मंगळवारी (४ फेब्रुवारी) अटक करण्यात आली. त्याला न्यायालयात हजर केले असता, आरोपीला सोमवारपर्यंत (१० फेब्रुवारी) पोलिस कोठडीत ठेवण्याचे आदेश जिल्हा व सत्र न्यायाधीश एम. एस. देशपांडे यांनी दिले.

त्यांच्यावर औरंगाबाद येथील जिल्हा रुग्णालयात उपचार सुरु आहेत. या प्रकरणी सिल्लोड ग्रामीण पोलिसांनी मंगळवारी दुपारी त्या महिलेचा जबाब घेतला. यावरून अनुसूचित जाती जमाती प्रतिबंध कायदा कलम ३०७,४५२, ३२३ अशा विविध कलमांनव्ये गुन्हा दाखल करण्यात आला आहे. तसेच पोलिसांनी घटनेतील आरोपी संतोष सखाराम मोहिते (४० ) यास अटक करण्यात आली आहे.

विकृतांमुळे लेकीचं जगणं असह्य! सिल्लोडमध्ये घरात घुसून महिलेला पेटवलं!#Aurangabad #Sillod pic.twitter.com/xgJCFHLoDW

— महाराष्ट्रनामा न्यूज (@MahanamaNews) February 5, 2020

पीडितेची श्वसनलिका भाजली असल्याने तिला श्वास घेण्यात अडथळा निर्माण होत आहे. तिच्या डोळ्यालाही गंभीर दुखापत झाली आहे. तिच्या चेहरा आणि डावा हात मोठ्या प्रमाणात भाजला गेला आहे. तिची प्रकृती चिंताजनक असून पुढील 48 तास तिच्यासाठी महत्त्वाचे असल्याचे वैद्यकीय सूत्रांनी सांगितले आहे. पीडितेच्या श्वसन नलिकेत धूर गेल्याने तिला श्वसनाचा त्रास होत आहे. कृत्रिम नलिका टाकून डॉक्टरांनी तिचा श्वास पुन्हा सुरू केला आहे. पण, अजून धोका टळलेला नाही, असेही डॉक्टरांनी सांगितले आहे.

Web Title:  Aurangabad a Man arrested for setting ablaze women at Sillod