मुंबईत महिला असुरक्षित; नाईट नाईफ निर्णयावेळी सुरक्षेबाबत प्रश्न उपस्थित झाले होते

मुंबई: माटुंगा रेल्वे स्थानकावर महिलांची छेडछाड काढत विनयभंग करणाऱ्या व्यक्तीला पोलिसांनी ताब्यात घेतलं आहे. मात्र महिलांनी कोणतीही तक्रार दाखल न केल्याने फक्त चोरीचा गुन्हा दाखल होत या विकृताची सुटका होण्याची शक्यता आहे. हा व्यक्ती रेल्वे स्थानकावर महिलांना स्पर्श करताना सीसीटीव्हीत स्पष्ट दिसत आहे. इतकंच नाही तर तो हस्तमैथून देखील करत होता. दोन महिलांना पोलिसांना यासंबंधी माहिती दिली. पण त्यांनी तक्रार दाखल करण्यास नकार दिला. रजिऊर खान असं या विकृताचं नाव आहे.

मुंबई सारख्या शहरातील रेल्वे स्थानकात अशा धक्कादायक घटना असल्याने आश्चर्य व्यक्त केलं जाऊ लागलं आहे. माटुंगा स्थानकातील पुलावर एका विकृताने मुलीसोबत चुंबन घेऊन छेडछाड केली. हा किळसवाणा प्रकार सीसीटीव्ही कॅमेऱ्यात कैद झाला आहे. ही घटना २६ जानेवारीला दुपारी घडली आहे. किंबहुना याला विकृत म्हणावा की शहाणा ते समजण्या पलीकडील आहे. कारण दिवसा असं केल्यास धुलाई होण्याची शक्यता असल्याने सदर व्यक्ती रात्री उशिरा म्हणजे जेव्हा रेल्वे स्थानकावर वर्दळ नसते आणि मुली किंवा महिलांनी आरडाओरडा केला तरी मदतीसाठी कोणीही नसेल याची सदर व्यक्ती काळजी घेत असल्याचं समजतं.

एका बाजूला मुंबईमध्ये २६ जानेवारीच्या दुसऱ्या दिवशी नाईट लाईफच्या निर्णयाची अंमलबजावणी झाली आणि त्यावर विरोधकांनी आधीच सुरक्षेच्या कारणावरून प्रश्न सरकारला धारेवर धरल्याचे पाहायला मिळाले होते. मात्र मुंबई शहरातील लेकी अशाच उद्या सरकारच्या सुरक्षा विषयक नियोजनावर विश्वास ठेऊन रात्री एक-दोन जणी मिळून नाईट लाईफचा आनंद घ्यायला गेल्यास नेमकी काय परिस्थती उद्भवू शकते याचा अंदाज सरकारने या घटनेवरून घेऊन वेळीच सतर्क होणं गरजेचं आहे.

Web Title:  Pervert reaches lonely young woman Mumbai Matunga Railway bridge to kiss.