कोरेगाव भीमा : शरद पवार यांची देखील साक्ष नोंदवणार

पुणे: भीमा- कोरेगाव प्रकरणाच्या चौकशीसाठी नेमण्यात आलेल्या आयोगाकडून राष्ट्रवादी काँग्रेसचे अध्यक्ष शरद पवार यांना साक्ष देण्यासाठी बोलविण्यात येणार आहे. आयोगाचे अध्यक्ष न्या. जे. एन. पटेल यांनी सोमवारी यासंदर्भात माहिती दिली. काही दिवसांपूर्वीच शरद पवार यांनी एसआयटीतर्फे कोरेगाव-भीमा प्रकरणाची चौकशी करण्याची मागणी केली होती. देवेंद्र फडणवीस सरकारच्या काळात सत्ता आणि पोलीस यंत्रणेचा गैरवापर करून चुकीच्या लोकांना यामध्ये गुंतविण्यात आलं असल्याचे पवार यांनी मुख्यमंत्र्यांना पाठवलेल्या पत्रात नमूद केले होते.

‘शरद पवार यांचे शपथपत्र आयोगासमोर यापूर्वीच आलेले आहे. त्यामुळे आयोग त्यांना बोलावणारच आहे. त्यामुळे तुमचा अर्ज प्रलंबित ठेवला जाईल. जेव्हा पवार आयोगासमोर येतील तेव्हा तुम्ही उलट तपासणीच्या वेळी अर्जातील तुमचे प्रश्न त्यांच्यासमोर उपस्थित करा,’ असे अर्जदार सागर शिंदे यांना आयोगाने सांगितले आहे, असे आशिष सातपुते यांनी नमूद केले.

शरद पवार यांनी गेल्या आठवड्यात एल्गार परिषद आणि कोरेगाव भीमा प्रकरणासंदर्भात पत्रकार परिषद घेतली होती. यात त्यांनी कोरेगाव भीमा दंगलीत संभाजी भिडे आणि मिलिंद एकबोटे यांची नावं घेतली होती. इथे दरवर्षी लोक येतात. इथले स्थानिक ग्रामस्थ इथे येणार्‍या लोकांना पाण्याची व्यवस्था करतात. स्थानिक आणि बाहेरून येणाऱ्यांमध्ये कोणतीही कटुता नव्हती. मात्र, आजुबाजूच्या खेड्यात संभाजी भिडे, मिलिंद एकबोटे यांनी फिरुन वेगळं वातावरण निर्माण केलं,” असं पवार म्हणाले होते. त्यावरून पवारांना या दंगलीबद्दलची ही माहिती कोठून मिळाली. त्यांच्याकडे आणखी काय माहिती आहे? याबद्दल त्यांची तातडीनं साक्ष घेण्यात यावी, अशी मागणी अ‍ॅड. प्रदीप गावडे यांनी केली आहे.

News English Summery: The commission appointed to investigate the Bhima Koregaon case will call on NCP Congress President Sharad Pawar to testify. Chairman of the Commission J. N. Patel informed about this on Monday. A few days ago, Sharad Pawar had demanded an inquiry into the Koregaon-Bhima case by the SIT. In the letter sent to the Chief Minister, Pawar had mentioned in the letter sent to the Chief Minister that the wrong people were involved in misuse of power and police system during Devendra Fadnavis government.

Web Title: Story NCP President Sharad Pawar will be present before Koregaon Bhima violence inquiry commission.