इयत्ता पहिली ते दहावी मराठी अनिवार्य; सर्व मंडळांच्या शाळांना कायदा लागू

मुंबई : आज ‘मराठी भाषा दिन’, राज्यभरात विविध कार्यक्रमांचं आयोजन करण्यात आलं आहे. येत्या शैक्षणिक वर्षापासून राज्यातल्या सर्व शाळांमध्ये मराठी विषय सक्तीचा करण्याची घोषणा ठाकरे सरकारने केली आहे. २७ फेब्रुवारी हा दिवस ‘मराठी भाषा दिन’ म्हणून साजरा केला जातो.

आता शैक्षणिक क्षेत्रातून एक मोठी बातमी आली आहे. राज्यात पहिली ते दहावी मराठी विषय लवकरच सक्तीचा होणार आहे. मराठी भाषा सक्ती करण्याबाबतचं विधेयक विधानपरिषदत एकमतानं मंजूर करण्यात आलं आहे. आता हे विधेयक विधानसभेत मांडलं जाणार आहे.. दरम्यान आपल्यासाठी हा भाग्याचा क्षण असल्याचं यावेळी केलेल्या भाषणात मुख्यमंत्री उद्धव ठाकरेंनी नमूद केलं आहे.

महाराष्ट्रातील सर्व माध्यमांच्या सर्व प्रकारच्या मंडळांच्या शाळांमध्ये पहिले ते दहावीपर्यंत मराठी विषय अनिवार्य करण्याचे विधेयक मराठी भाषा दिनाच्या पूर्वसंध्येला बुधवारी विधान परिषदेच्या सभागृहात एकमताने संमत करण्यात आले. या कायद्याची अंमलबजावणी न करणाऱ्या शाळेच्या प्रमुखांना एक लाख रुपये दंड ठोठावला जाईल. तसेच अशा शाळांची मान्यतादेखील काढून घेण्याची स्पष्ट तरतूद या विधेयकात आहे. या विधेयकाची अंमलबजावणी सन २०२०-२१ या शैक्षणिक वर्षापासून होईल, असे सरकारने स्पष्ट केले. आयसीएसई, सीबीएसई, एनआयओएस, आयजीसीएसई, एमआयईबी, सीआयएसई, बॅकलोरिएट, आयबी, ओरिएंटल तसेच सर्व मंडळांच्या शाळांना हा कायदा लागू असेल, असे मंत्री देसाई म्हणाले.

News English Summery: On the eve of Marathi Language Day, a bill was passed unanimously in the Legislative Council’s House on the eve of Marathi Language Day, in the schools of all media boards of Maharashtra. The head of the school who does not enforce the law will be fined Rs one lakh. There is also a clear provision to remove the accreditation of such schools. The government will implement the bill from the next academic year, it said. Minister Desai said that the law would be applicable to schools of ICSE, CBSE, NIOS, IGCSE, MIEB, CISE, Bachelorette, IB, Oriental as well as all the boards.

Web Title: Story bill to make Marathi must in Maharashtra in all schools.