ओबीसींची स्वतंत्र जनगणना करा - छगन भुजबळ

मुंबई: जनगणनेच्या अर्जात बदल केले जावेत अशी मागणी छगन भुजबळ यांनी केली आहे. बिहार राज्याच्या धर्तीवर महाराष्ट्रात ओबीसी समाजाची वेगळी जनगणना करावी असं छगन भुजबळ यांनी म्हटलं आहे. जनगणनेच्या फॉर्ममध्ये ओबीसीचा एक वेगळा पर्याय दिला तर जनगणना होऊ शकते असंही यावेळी त्यांनी सांगितलं. यासाठी अधिक प्रयत्न करण्याची गरज असल्याचं मत त्यांनी व्यक्त केलं.

जातीनिहाय जनगणना करावी असा ठराव विधानसभेने मंजूर केला होता. पण अशा प्रस्तावाला केंद्र सरकारने मान्य केला नाही. त्यावरून आज विधानसभेत सर्वच पक्षांच्या सदस्यांनी आक्रमक भूमिका घेतली. फक्त तांत्रिक कारणांमुळे केंद्राने असा प्रस्ताव फेटाळला असेल तर OBCची महाराष्ट्रात राज्य सरकारच्या कर्मचाऱ्यांकडून जनगणना करा अशी मागणी राष्ट्रवादीचे मंत्री जितेंद्र आव्हाड यांनी केली. जातीनिहाय जनगणना करण्याचा प्रस्ताव केंद्राकडे पाठवला होता त्याचं काय झालं असा सवाल विरोधी पक्ष नेते देवेंद्र फडवणीस आणि काँग्रेस आमदार विकास ठाकरे यांनी उपस्थितीत केला होता. त्यावर सर्वच पक्षांच्या आमदारांनी आपली मतं मांडली आणि या प्रश्नावर सर्वच पक्ष एक आहेत असं दाखवून दिलं.

छगन भुजबळ यांच्या या मागणीला भाजप, शिवसेना, काँग्रेस आणि राष्ट्रवादी काँग्रेसने पाठिंबा दिला आहे. यावर बोलताना विरोधी पक्षनेते आणि भाजपचे नेते देवेंद्र फडणवीस यांनी सांगितले की, ‘छगन भुजबळांनी मांडलेला मुद्दा योग्य आहे. ओबीसी जनगणेला आमचे समर्थन आहे. हा धोरणात्मक निर्णय आहे. आपण सर्वांनी पंतप्रधानांकडे जाऊन जातनिहाय जनगणनेची मागणी करु.’ असे सांगत लवकरच आपण पंतप्रधानांची भेट घेऊन असे फडणवीसांनी सांगितले.

News English Summery: Nationalist Congress leader and state cabinet minister Chhagan Bhujbal has demanded that the OBC community be made an independent census ilike state of Bihar. He made the demand when the OBC census was discussed on Friday in the budget session. Opposition has also supported this demand of Chhagan Bhujbal. This demand of Chhagan Bhujbal has been supported by BJP, Shiv Sena, Congress and NCP. Speaking on this, Leader of the Opposition and BJP leader Devendra Fadnavis said, “The issue raised by Chhagan Bhujbal is correct. We support the OBC census. This is a strategic decision. We will all go to the Prime Minister and ask for a caste-based census. ‘ “We will meet the Prime Minister soon,” Fadnavis said.

Web News Title: Story independent census OBC castes be held state demand Minister Chhagan Bhujbal Vidhan Sabha.