'त्या' काळी फडणवीस हे साडेतीन शहाण्यांपैकी एक होते : राज ठाकरे

ठाणे : एका मराठी दैनिकाच्या वतीने ठाण्यामध्ये ‘कलासंगम २०२०’ या कार्यक्रमाचे आयोजन करण्यात आले होते. आज मनसे अध्यक्ष राज ठाकरे यांच्या प्रकट मुलाखतीने या कार्यक्रमाची सांगता होत आहे. जेष्ठ पत्रकार अंबरीष मिश्र ही मुलाखत घेत आहेत. या मुलाखतीत बोलताना राज ठाकरे यांनी राजकारणावर चौफेर फटकेबाजी केली.

या मुलाखतीमध्ये राज्याचे माजी मुख्यमंत्री आणि विद्यमान विरोधीपक्षनेते देवेंद्र फडणवीस यांना चिमटा काढला. इतिहासातील छत्रपती शिवाजी महारांजाच्या मंत्रिमंडळाचा दाखला देताना त्यांनी देशमुख, सरदेशमुख या महाराजांच्या मंत्रिमंडळातील काही पदांचा उल्लेख केला. यावेळी मुलाखतकारांनी त्यांना फडणवीस हे पदही होते, असे सांगितले. यावर प्रतिउत्तर देताना महाराजांच्या नंतरच्या काळात फडणवीस हे साडेतीन शहाण्यांपैकी एक होते, असे राज ठाकरे म्हणाले. यावेळी सभागृहात एकच हशा पिकल्याचे पाहायला मिळाले.

राजकारणातील कोणत्या नेत्यांचा चेहरा व्यंगचित्रासाठी परफेक्ट आहे असा प्रश्न विचारल्यानंतर पंतप्रधान नरेंद्र मोदी आणि गृहमंत्री अमित शहा यांच्यासोबत राज्याचे मुख्यमंत्री उद्धव ठाकरे आणि राष्ट्रवादी काँग्रेसचे अध्यक्ष शरद पवार यांचा चेहरा देखील व्यंगचित्र काढण्यासाठी योग्य असल्याचे राज ठाकरेंनी सांगितले. तसेच काँग्रेसचे नेते राहुल गांधी यांचा चेहरा चांगला नसल्याचे सांगत राहुल गांधींचे वडील माजी पंतप्रधान राजीव गांधींचा चेहरा चांगला होता असं राज ठाकरेंनी यावेळी सांगितले.

‘आता देशातील राजकारणीच कार्टुनसारखे दिसायला लागले आहेत. त्यामुळे व्यंगचित्र काढायला मजा येत नाही, असं व्यंगचित्रकार आर के लक्ष्मण यांनी म्हटलं होतं. तुम्हाला महाराष्ट्रात आणि देशात आता कोणते चेहरे व्यंगचित्र काढण्यासाठी चांगले वाटतात?’ असा प्रश्न राज ठाकरे यांना विचारण्यात आला होता. त्यावर बोलताना राज ठाकरे यांनी पंतप्रधान नरेंद्र मोदी, गृहमंत्री अमित शहा, काँग्रेसच्या हंगामी अध्यक्षा सोनिया गांधी, राष्ट्रवादीचे अध्यक्ष शरद पवार आणि मुख्यमंत्री उद्धव ठाकरे यांचे चेहरे व्यंगचित्रासाठी चांगले असल्याचं म्हटलं आहे.

महाराष्ट्रात जे काही राजकारण घडलं आहे, मी त्याला दुर्दैवी म्हणेन. मला राजकारणाचा अर्थ हा निवडणुकीच्या पलिकडे आहे असं वाटतं. कारण, निवडणुकीच्या पलिकडे जेव्हा तुम्ही महाराष्ट्र बघता त्या महाराष्ट्राकडे बघण्याचा माझा दृष्टिकोन हा अत्यंत कलात्मक आहे. मी जेव्हा परदेशात जातो तेव्हा तिथं पाहिलेल्या अनेक गोष्टी मला वाटतं महाराष्ट्रात आणल्या पाहिजेत.

ज्या जनेतसाठी तुम्ही आहात, त्यांना घरातून बाहेर पहिलं पाऊल ठेवल्यावरती समाधान वाटलं पाहिजे की, मी या राज्याचा नागरिक आहे. ते देण्यासाठी त्याच्या सभोवताली जे काही वातारवण हवं ते वातावरण निर्माण करण्याचं काम आम्हा लोकांच आहे. ते जर आम्ही चांगल्याप्रकारे करू शकलो, तर तेच मला वाटतं की राजकारण व कला यांचा संगम आहे, असं महाराष्ट्र नवनिर्माण सेनेचे प्रमुख राज ठाकरे यांनी सांगितलं आहे.

News English Summery: A Marathi daily organized ‘Kalasangam 1’ in Thane. The program is being announced today in an open interview with MNS President Raj Thackeray. Senior journalist Ambarish Mishra is interviewing. Speaking in the interview, Raj Thackeray criticized Chauffeur over politics. In this interview, Devendra Fadnavis, the former Chief Minister of the state and the current Opposition Leader, tweeted. While giving the certificate of Chhatrapati Shivaji Maharaja’s cabinet in history, he mentioned some posts in the cabinet of Maharaj, Deshmukh, Sardeshmukh. Interviewees at this time also told him that Fadnavis had the post, too. Responding to this, Fadnavis was one of the three-and-a-half wishes in the aftermath of Maharaj, said Raj Thackeray. At this time only one laughter was seen in the hall.

Web News Title: Story MNS Chief Raj Thackeray talk about Mahavikas Aghadi government and former CM Devendra Fadnavis.