छत्रपती शिवाजी महाराजांवर चित्रपट बनवण्याचं माझं कॉलेजमध्ये असल्यापासूनचं स्वप्न: राज ठाकरे

ठाणे : एका मराठी दैनिकाच्या वतीने ठाण्यामध्ये ‘कलासंगम २०२०’ या कार्यक्रमाचे आयोजन करण्यात आले होते. आज मनसे अध्यक्ष राज ठाकरे यांच्या प्रकट मुलाखतीने या कार्यक्रमाची सांगता होत आहे. जेष्ठ पत्रकार अंबरीष मिश्र ही मुलाखत घेत आहेत. या मुलाखतीत बोलताना राज ठाकरे यांनी राजकारणावर चौफेर फटकेबाजी केली.

“कॉलेजमध्ये असल्यापासूनचं माझं पहिलं प्रेम आहे हे चित्रपट निर्मिती, चित्रपट दिग्दर्शन हेच होतं. छत्रपती शिवाजी महाराजांवर एक चित्रपट करावा असा विचार मी कॉलेजमध्ये असताना केला होता,” असा खुलासा महाराष्ट्र नवनिर्माण सेनेचे अध्यक्ष राज ठाकरे यांनी एका मुलाखतीमध्ये केला आहे. तसंच महाराजांचा इतिहास फक्त तीन तासात दाखवणं हे देखील तितकंच अशक्य आहे, कारण महाराजांचा इतिहासच तेवढा मोठा आहे की तो आपण आजवर बघत आलेल्या चित्रपटांच्या पलीकडे कितीतरी विशाल असल्याचं देखील त्यांनी नमूद केलं.

या मुलाखतीमध्ये राज्याचे माजी मुख्यमंत्री आणि विद्यमान विरोधीपक्षनेते देवेंद्र फडणवीस यांना चिमटा काढला. इतिहासातील छत्रपती शिवाजी महारांजाच्या मंत्रिमंडळाचा दाखला देताना त्यांनी देशमुख, सरदेशमुख या महाराजांच्या मंत्रिमंडळातील काही पदांचा उल्लेख केला. यावेळी मुलाखतकारांनी त्यांना फडणवीस हे पदही होते, असे सांगितले. यावर प्रतिउत्तर देताना महाराजांच्या नंतरच्या काळात फडणवीस हे साडेतीन शहाण्यांपैकी एक होते, असे राज ठाकरे म्हणाले. यावेळी सभागृहात एकच हशा पिकल्याचे पाहायला मिळाले.

राजकारणातील कोणत्या नेत्यांचा चेहरा व्यंगचित्रासाठी परफेक्ट आहे असा प्रश्न विचारल्यानंतर पंतप्रधान नरेंद्र मोदी आणि गृहमंत्री अमित शहा यांच्यासोबत राज्याचे मुख्यमंत्री उद्धव ठाकरे आणि राष्ट्रवादी काँग्रेसचे अध्यक्ष शरद पवार यांचा चेहरा देखील व्यंगचित्र काढण्यासाठी योग्य असल्याचे राज ठाकरेंनी सांगितले. तसेच काँग्रेसचे नेते राहुल गांधी यांचा चेहरा चांगला नसल्याचे सांगत राहुल गांधींचे वडील माजी पंतप्रधान राजीव गांधींचा चेहरा चांगला होता असं राज ठाकरेंनी यावेळी सांगितले.

News English Summery: “My first love since being in college was filmmaking, film directing. I had planned to do a film on Chhatrapati Shivaji Maharaj while in college, ”Raj Thackeray, president of Maharashtra Navnirman Sena, revealed in an interview. Speaking at an event organized in Thane, Raj talked about the idea of ​​making a film about Chhatrapati Shivaji Maharaj and why he left behind while illuminating the memories of his college days. Raj Thackeray was interviewed at an event organized at Gadkari Rangayatan in Thane. Interviewer Ambarish Mishra made an attempt to highlight an artist in Raj Thackeray.

New English Title: Stories MNS Chief Raj Thackeray says wanted to make film on Chatrapati Shivaji Maharaj.