मुंबईची भाषा? कानाखाली काढलेले मराठी सुविचार ह्यांना बरोबर वाचता येतील: शालिनी ठाकरे

मुंबई: सब टीव्ही वाहिनीवरील ‘तारक मेहता का उलटा चस्मा’ या मालिकेत एका संवादात मुंबईची ‘आम भाषा’ हिंदी असल्याचं म्हटल्याने महाराष्ट्र नवनिर्माण सेनेने संताप व्यक्त केला आहे. यावर मनसेच्या अनेक नेत्यांकडून संतप्त भावना व्यक्त होताना दिसत आहेत.

महाराष्ट्र नवनिर्माण चित्रपट सेनेच्या सरचिटणीस शालिनी ठाकरे यांनी सब टीव्ही वहिनीला सज्जड दम भरला आहे. यावर त्यांनी ट्विट करताना म्हटलं आहे की, ‘मुंबईची ‘आम भाषा’ हिंदी नाही, मराठी आहे, हे ह्या सब टीव्हीवाल्यांना मान्य नसेल, तर महाराष्ट्र सैनिकांना त्यांच्या कानाखाली ‘सुविचार’ लिहावे लागतील! तेसुद्धा मराठीत!. ‘कानाखाली काढलेले मराठी सुविचार’ ह्यांना बरोबर वाचता येतील, असं म्हणत गंभीर इशारा दिला आहे.

मुंबईची ‘आम भाषा’ हिंदी नाही, मराठी आहे, हे ह्या सब टीव्हीवाल्यांना मान्य नसेल, तर महाराष्ट्र सैनिकांना त्यांच्या कानाखाली ‘सुविचार’ लिहावे लागतील! तेसुद्धा मराठीत!
‘कानाखाली काढलेले मराठी सुविचार’ ह्यांना बरोबर वाचता येतील!! @sabtv pic.twitter.com/tuydzv0kEW

— Shalini Thackeray (@ThakareShalini) March 3, 2020

तसेच मनसे कार्यकर्त्यांनी यावर “तारक मेहताचा उलटा चष्मा” सरळ करावा लागेल म्हणजे त्यांना मुंबईची भाषा कोणती ते स्पष्ट दिसेल असं म्हटलं आहे. यावर सब टीव्ही वाहिनीकडून अजून प्रतिक्रिया आली नसली तरी मनसे यावर आक्रमक झाल्याचं पाहायला मिळत आहे.

News English Summery: Maharashtra Navnirman Sena has expressed its anger over Mumbai’s ‘common language’ in a dialogue in the series ‘Tarak Mehta Ka Ulta Chasma’ on the sub TV channel. Many MNS leaders are expressing anger over this.

Web News Title: Story MNS Leader Shalini Thackeray angry over SONY SAB TV saying Mumbais Language is Hindi.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.