राम मंदिराच्या निर्माणासाठी शिवसेनेकडून १ कोटीचा निधी; उद्धव ठाकरेंची घोषणा

अयोध्या : महाराष्ट्राचे मुख्यमंत्री आणि शिवसेनेचे पक्षप्रमुख उद्धव ठाकरे आज अयोध्या दौऱ्यावर आहेत. यावेळी उद्धव ठाकरे यांनी राम मंदिराच्या निर्माणासाठी १ कोटींचा निधी देण्याची घोषणा केली. यावेळी उद्धव ठाकरे यांनी पत्रकारांच्या प्रश्नांनाही उत्तरे दिली. काँग्रेसशी युती करून शिवसेनेने हिंदुत्वापासून फारकत घेतली, या टीकेचा त्यांनी प्रतिवाद केला. मी भाजपपासून वेगळा झालोय, हिंदुत्वापासून नाही. भाजप म्हणजे हिंदुत्व नव्हे, असे उद्धव ठाकरे यांनी ठणकावून सांगितले. उद्धव ठाकरे संध्याकाळी ४ वाजता रामल्लाचे दर्शन घेणार आहेत. यानंतर ते पुन्हा मुंबईच्या दिशेने रवाना होतील.

“हमारे मराठी में एक कहावत है, ‘फुल न फुलाची पाकळी’। में नम्रतापूर्वक कहना चाहता हूं सरकार की ओर से नहीं, हमारे ट्रस्ट की ओर से १ करोड़ रुपए की राशि में मंदिर निर्माण के लिए घोषित करता हूं।”
-शिवसेना पक्षप्रमुख, मुख्यमंत्री मा. श्री. उद्धव बाळासाहेब ठाकरे pic.twitter.com/RxHrxjhPgM

— ShivSena – शिवसेना (@ShivSena) March 7, 2020

रामलल्लाचे दर्शन घेण्यापूर्वी मुख्यमंत्री ठाकरे हे पत्रकार परिषदेत बोलत होते. ते पुढे म्हणाले, मी तिसऱ्यांदा अयोध्येत आलो होते. अयोध्येते येणे माझ्यासाठी भाग्याची गोष्ट आहे. मी वारंवार अयोध्येत येईन. नोव्हेंबरमध्ये अयोध्येला आलो आणि नोव्हेंबरमध्येच मी मुख्यमंत्री झालो. मी स्वप्नातही याचा विचार केला नव्हता. लोकसभा निवडणुकीच्या आधी आलो होतो. त्यावेळी चांगले यश मिळाले होते. मी अयोध्येला नियमित येत राहणार आहे. मी प्रभू श्रीरामांचे आशीर्वाद घेणार आहे.

शरयू नदीच्या तिरावर आरती करण्याची आमची इच्छा होती. मात्र, जगभरात पसरत असलेल्या करोना व्हायरसमुळे खबरदारी म्हणून ती स्थगित करावी लागली. मात्र, शरयू नदीची आरती करण्यासाठी मी पुन्हा येईन, असंही यावेळी ठाकरे म्हणाले. “महाराष्ट्रातून जे रामभक्त इथं येतील त्यांची राहण्याची सोय व्हावी म्हणून मुख्यमंत्री योगी आदित्यनाथ यांनी आम्हाला इथं जागा उपलब्ध करुन द्यावी, याठिकाणी आम्ही ‘महाराष्ट्र भवन’ उभारू अशी विनंती मी महाराष्ट्र सरकारच्यावतीनं करतो,” असंही यावेळी उद्धव ठाकरे म्हणाले.

शिवसेनेने अयोध्या आंदोलनात सहभाग घेतला होता. शिवसेना प्रमुख बाळासाहेब ठाकरे यांनीही सक्रिय पाठिंबा दिला होता. त्यामुळे त्या सर्व आठवणी ताज्या झाल्या आहेत असंही त्यांनी सांगितलं. शिवसेनेने भाजपला सोडलं हिंदुत्वाला नाही असंही ते म्हणाले. यापुढेही मी अयोध्येत येत राहीन अशी घोषणाही त्यांनी केली.

News English Summery: Maharashtra Chief Minister and Shiv Sena party chief Uddhav Thackeray is on a visit to Ayodhya today. At this time, Uddhav Thackeray announced a grant of Rs 1 crore for the construction of Ram temple. At this time, Uddhav Thackeray also answered reporters’ questions. He opposed the criticism that Shiv Sena withdrew from Hindutva in coalition with the Congress. I am separated from BJP, not Hindutva. Uddhav Thackeray said that BJP is not Hindutva. Uddhav Thackeray will visit Ramla at 4 pm. After this they will depart again towards Mumbai. Before the visit of Ramlalla, Chief Minister Thackeray was speaking at a press conference. He added, I came to Ayodhya for the third time. To come to Ayodhya is a fortune for me. I will come to Ayodhya frequently. I came to Ayodhya in November and in November I became Chief Minister. I hadn’t even thought about it in a dream. The Lok Sabha had come before the elections. There were good successes at that time. I will be coming regularly to Ayodhya. I will take the blessings of Lord Sriram.

Web News Title: Story Ayodhya Ram Mandir Nirman Shivsena Chief Uddhav Thackeray donated 1 crore rupees on behalf on Shivsena Party.