ग्राहकांना काहीसा दिलासा! YES बँकेचं डेबिट कार्ड वापरून पैसे काढता येतील

मुंबई: अंमलबजावणी संचालनालयाने (Enforcement Directorate) तब्बल ३० तासांच्या चौकशीनंतर येस बँकेचे संस्थापक राणा कपूर यांना अटक केली आहे. येस बँक घोटाळा उघड झाल्यानंतर ईडीने शुक्रवारी रात्री राणा कपूर यांच्या घरावर छापा टाकला होता. त्यानंतर शनिवारी दिवसभर कपूर यांची कसून चौकशी करण्यात आली. या चौकशीत कपूर यांच्यावर अनेक प्रश्नांची सरबत्ती करण्यात आली असून अधिक तपासासाठी मध्यरात्रीनंतर कपूर यांना अटक करण्यात आली आहे. आज सकाळी ११ वाजता कपूर यांना कोर्टात हजर करण्यात येणार आहे.

ईडीच्या बॅलॉर्ड पीअर येथील प्रादेशिक कार्यालयात कपूर यांची चौकशी करण्यात आली. यावेळी ६०० कोटी रूपयांच्या कर्जप्रकरणी त्यांना प्रश्न विचारण्यात आले. दिवाण हाऊसिंग फायनान्स लिमिटेडशी (डीएचएफएल) संबधित असलेल्या नॉन बँकिंग फायनान्शिअल कंपनीकडून (एनबीएफसी) कपूर कुटुंबाशी सबंधित असलेल्या डूइट अर्बन व्हेंचर प्राईव्हेट लिमिटेड कर्ज देण्यात आलं होतं. राणा कपूर येस बँकेचे व्यवस्थापकीय संचालक आणि सीईओ असताना या आर्थिक घडामोडी घडल्या होत्या.

दरम्यान, शनिवारी रात्री बँकेना चिंतातूर असलेल्या आपल्या ग्राहकांना काहीसा दिलासा दिला आहे. बँकेने आपल्या अधिकृत ट्विटर हॅण्डलवर एक ट्विट केलं आहे. तुम्ही आता येस बँकेचं डेबिट कार्ड वापरून पैसे काढू शकता. येस बँकेच्या एटीएमबरोबरच इतर बँकांच्या एटीएममधूनही पैसे काढता येईल. संयम दाखवल्याबद्दल आभारी आहोत, असं बँकेनं ट्विटमध्ये म्हटलं आहे.

You can now make withdrawals using your YES BANK Debit Card both at YES BANK and other bank ATMs. Thanks for your patience. @RBI @FinMinIndia

— YES BANK (@YESBANK) March 7, 2020

News English Summery: Meanwhile, on Saturday night, banks have provided some comfort to their worried customers. The bank has tweeted a tweet on its official Twitter handle. You can now withdraw money by using Yes Bank Debit Card. This can be withdrawn from bank ATMs as well as other bank ATMs. Thank you for your patience, the bank said in a tweet.

Web News Title: Story YES Bank account holders could withdraw money from ATM Centers.