ICSE बोर्डाचे सीईओ व आदित्य ठाकरेंची भेट; मुंबई पालिकेच्या शाळांचा दर्जा उंचावणार

मुंबई, १२ मार्च: पर्यावरण मंत्री आदित्य ठाकरे यांची आज आयसीएसई शिक्षण बोर्डाचे सीईओ गॅरी अरॅथॉन यांच्यासोबत प्रदीर्घ चर्चा झाली. मुंबई महापालिकेच्या शाळांमध्ये आयसीएसई दर्जाचं शिक्षण मिळावं यासाठी आदित्य ठाकरे प्रयत्न करत असून, त्यानिमित्त ही भेट झाल्याचं त्यांनी ट्विट करून सांगितलं आहे.

This afternoon, I met with Shri Gerry Arathoon, CEO of ICSE Board of education. I’m a product of ICSE board and I’m happy now to bring the board to @mybmc schools. 1 school of BMC will have ICSE education for free for students and will expand across other schools soon. pic.twitter.com/GScPibNm1v

— Aaditya Thackeray (@AUThackeray) March 12, 2020

दरम्यान, भविष्यात बीएमसी शाळा आता मुंबई पब्लिक स्कूल म्हणून ओळखल्या जातील. फेब्रुवारीच्या पहिल्या आठवड्यात राज्याचे मुख्यमंत्री उद्धव ठाकरे यांनी बीएमसी आयुक्त प्रवीण परदेशी आणि महापौर किशोरी पेडणेकर यांच्या उपस्थितीत मुंबई पब्लिक स्कूलच्या लोगोचे अनावरण केलं होतं. बीएमसी शाळांची स्थिती सुधारण्यासाठी आणि विद्यार्थ्यांना बीएमसी शाळांकडे खेचण्यासाठी सरकारने अनेक पावलं उचलली आहेत आणि पर्यावरण मंत्री आदित्य ठाकरेंच्या या व्हिजनमध्ये उद्धव ठाकरे यांची त्यांना खूप साथ लाभत असल्याचं पाहायला मिळत आहे.

आदित्य ठाकरेंच्या दर्जेदार ‘पब्लिक स्कुल’ संकल्पनेला पालकांचा चांगला प्रतिसाद. फेब्रुवारीच्या पहिल्या आठवड्यात राज्याचे मुख्यमंत्री उद्धव ठाकरे यांनी बीएमसी आयुक्त प्रवीण परदेशी आणि महापौर किशोरी पेडणेकर यांच्या उपस्थितीत मुंबई पब्लिक स्कूलच्या लोगोचे अनावरण केलं होतं. pic.twitter.com/6mXTx9iIek

— महाराष्ट्रनामा न्यूज (@MahanamaNews) March 3, 2020

मुंबई पब्लिक स्कूलसह २२३ माध्यमिक शाळांमध्ये देखील विद्यार्थ्यांना मोफत शिक्षण दिलं जातं आहे. लहान मुलांसाठी देखील विशेष शाळा सुरू करण्यात आल्या असून या शाळांमध्ये विद्यार्थी शिक्षण घेत असल्याचं पाहायला मिळत आहे. मंत्रालयात मुख्यमंत्री उद्धव ठाकरे यांनी बीएमसीच्या मुंबई पब्लिक स्कूलच्या लोगोचे अनावरण केलं होतं. त्यावेळी त्यांनी बीएमसीच्या या उपक्रमाचे कौतुक केले होते आणि यातून सामान्य घरातील विद्यार्थ्यांना दर्जेदार शिक्षण मिळेल असा विश्वास व्यक्त केला होता.

Leadership is the capacity to translate vision into reality ~Warren G. Bennis
Glad to see the initiative of Shri @AUThackeray to provide better public schools is getting a thumbs up from parents. As admissions to Mumbai Public School begins,the response has been encouraging. pic.twitter.com/JiUexUXXoL

— Priyanka Chaturvedi (@priyankac19) March 3, 2020

त्यावेळी बोलताना पर्यावरण मंत्री आदित्य ठाकरे म्हणाले होते की, आधुनिक अभ्यासक्रमांच्या शाळांची गुणवत्ता वाढविण्यासाठी आणि विविध महत्त्वाच्या व्यक्तींच्या मदतीने ‘लेट्स रीड’ कार्यक्रम राबविला जाईल. बीएमसीच्या सीबीएसई आणि आयसीएसई संलग्न शाळांमध्ये मार्चच्या मध्यापासून प्रवेश सुरू होईल असं देखील स्पष्ट करण्यात आलं होतं. जोगेश्वरीच्या पूनम नगरमध्ये सीबीएसई बोर्डाची पहिली बीएमसी शाळा आणि माहीममधील आयसीएसईची पहिली बीएमसी शाळा सुरू करण्याचा निर्णय घेण्यात आला होता. त्यानुसार या शाळांमध्ये गरीब आणि मध्यमवर्गीय कुटुंबातील पालकांची ऍडमिशनसाठी रीघ लागल्याचं पाहायला मिळत आहे. त्यामुळे दिल्लीतील संकल्पनेवर आदित्य ठाकरे काम करत आहेत आणि त्यात सातत्य आणि गुणवत्ता राखली गेल्यास मुंबई तसेच कालांतराने राज्यात दर्जेदार शाळा उभारणं गरजेचं असल्याचं मत अनेकांनी नोंदवलं आहे.

News English Summery: Environment Minister Aditya Thackeray had a long discussion with ICSE Education Board CEO Gary Arathon today. Aditya Thackeray is trying to get ICSE quality education in the schools of Mumbai Municipal Corporation.

Web News Title: Story Environment Minister Aaditya Thackeray met ICSE Board of education CEO Gerry Arathoon.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.