महाराष्ट्रात कोणी ज्योतिरादित्य निर्माण होईल याची ५ वर्ष वाट बघत बसा - अजित पवार

मुंबई, १३ मार्च: राज्यातील शिवसेना- भाजप युती नेमकी कशामुळे तुटली, कोणी कोणास फसविले याबाबत गेल्या काही महिन्यांपासून सुरू असलेल्या चर्चेला अखेर गुरुवारी विधानसभेत पूर्णविराम मिळाला. होय, आम्ही शिवसेनेला फसविले. कधी ना कधी आम्ही ही चूक सुधारू, अशा शब्दात भाजपाचे ज्येष्ठ नेते सुधीर मुनगंटीवार यांनी युतीत कोणी कोणाला फसविले याची स्पष्ट कबुली दिली. आमच्या चुकीचा तुम्ही एवढा फायदा उचलू नका. राज्यातही कोणी ना कोणी ज्योतिरादित्य शिंदे निर्माण होईलच असे सांगत काँग्रेस- राष्ट्रवादीला सावधानतेचा इशारा दिला.

ज्योतिरादित्य शिंदे यांनी या आठवड्यात काँग्रेस सोडून भाजपमध्ये प्रवेश केला. हा मुद्दा पकडून विधानसभेत सुधीर मुनगंटीवार यांनी सत्ताधाऱ्यांना टोला लगावण्याचा प्रयत्न केला. त्यावेळीच त्यांनी विधानसभा निवडणुकीनंतर अजित पवारांनी देवेंद्र फडणवीसांसोबत शपथ घेतल्याची आठवण करून दिली. त्यावर अजित पवार यांनी वरील उत्तर दिले.

ते म्हणाले, मी कधी लपून-छपून काही करत नाही. जे काही असेल ते उघडपणे करतो. त्यावेळी तुमच्याकडे उघडपणे आलो आणि उपमुख्यमंत्री झालो. त्यानंतर इकडेही उघडपणे आलो आणि उपमुख्यमंत्री झालो. ज्योतिरादित्य शिंदेसारखे महाराष्ट्रात काहीही होणार नाही. तुम्ही तुमच्या पक्षाकडेच लक्ष द्या. काही जण सभागृहात दिसत नाहीत. त्यांच्याकडे बघा, अशा स्वरुपाचे उत्तर अजित पवार यांनी दिले.

“राज्यातही कोणी ना कोणी ज्योतिरादित्य शिंदे निर्माण होईल अंस म्हणत पुढची ५ वर्ष तिथं काढलीत तरी चालतील. असं सांगतंच तुम्हाला सगळं सांभाळून घ्यावं लागणार आहे. नाही तर तुमचीच माणसं इकडे तिकडे जातील. आमच्याकडे कोणी ज्योतिरादित्य शिंदे होणार नाही, पण तुमच्याकडे होणार नाही याकडे लक्ष ठेवा. बरेच जण गैरहजर आहेत त्यांच्याकडे लक्ष ठेवा,” असा चिमटा अजित पवार यांनी यावेळी काढला.

News English Summery: Jyotiraditya Shinde left the Congress this week and joined the BJP. Taking this issue, Sudhir Mungantiwar tried to scare the ruling party in the assembly. At that time, he recalled that Ajit Pawar had sworn in with Devendra Fadnavis after the assembly elections. Ajit Pawar replied above. That said, I never do anything in secret. Whatever it is, it does it openly. At that time I came to you openly and became the Deputy Chief Minister. After that, he came here and became the Deputy Chief Minister. Nothing will happen in Maharashtra like Jyotiraditya Shinde. You pay attention to your party. Some do not appear in the hall. Look at them, Ajit Pawar replied.

Web News Title: Story Deputy Chief Minister Ajit Pawar shivsena slams BJP leader Sudhir Mungantiwar over Jyotiraditya Scindia Madhya Pradesh Politics in Maharashtra.