शेअर बाजार कोरोनाच्या धास्तीने कोसळला; गुंतवणूकदारांचे ६ लाख कोटी बुडाले

मुंबई,१६ मार्च: जगभरात कोरोना व्हायरसने थैमान घातलं आहे. उद्योग- व्यवसायाबरोबरच शेअर बाजारावरही त्याचा मोठा परिणाम झाल्याचं पाहायला मिळत आहे. आठवड्याच्या सुरुवातीलाच अर्थात सोमवारी शेअर बाजारात मोठी पडझड पाहायला मिळत आहे. शेअर बाजार सुरु होताच सेन्सेक्स २००५ अंकांनी कोसळला असून तो ३२,५५७ अंकावर स्थिरावला आहे. निफ्टीत सध्या ६११ अंकांनी खाली आला आहे. तसेच आशियाई बाजारात पुन्हा एकदा पडझड झाली. याव्यतिरिक्त हाँगकाँग, शाँघाय, टोकियोचे बाजारही सोमवारी चांगलेच गडगडले आहेत.

मुंबई शेअर बाजाराचा निर्देशांक सेन्सेक्स सोमवारी बाजार उघडताच १६८८ अंकांनी घसरला. तर राष्ट्रीय शेअर बाजाराचा निर्देशांक निफ्टी ४३२ अंकांनी घसरला. जागतिक बाजारांमध्ये शेअर्सच्या विक्रीचा सपाटा सोमवारीही कायम राहिला. अमेरिकेतील फेडरल रिझर्व्ह बँकेने प्रमुख व्याजदरात कपात केली आहे. त्याचबरोबर कोरोना विषाणूचे जगात वेगाने संक्रमण होईल, अशी चिंता व्यक्त केली आहे. त्याचा परिणाम सोमवारी सकाळी भारतीय बाजारांमध्ये दिसला.

वित्तीय सेवा क्षेत्राला आज मोठा झटका बसला आहे. गुंतवणूकदारांनी वित्तीय सेवा देणाऱ्या कंपन्यांच्या शेअरची मोठी विक्री केली आहे. त्यामुळे बीएसई फायनान्स निर्देशांक ७ टक्क्यांनी घसरला. इंडसइंड बँक ११ टक्क्यांनी घसरला आहे. त्याशिवाय मॅग्मा फिनकॉर्प, जेएम फायनान्शिअल, मुथूट फायनान्स, आयसीआयसीआय बँक, उज्जीवन , ऍक्सिस बँक, आयडीएफसी फर्स्ट आदी शेअर जोरदार आपटले आहेत.

News English Summery: Corona virus has spread throughout the world. Industry – As well as business, the stock market is seeing a huge impact. The stock market is seeing a big fall on Monday, the beginning of the week. At the start of the stock market, the Sensex fell by 2005 points to end at 32,557. The Nifty is currently down 611 points. Also, Asian markets fell again. In addition, markets in Hong Kong, Shanghai, Tokyo also fell well on Monday. Meanwhile, the stock market is witnessing a big fall over the past week. The Sensex had lost 3100 points in early trade on Friday. The stock market was jammed for 45 minutes after falling so big. However, the Sensex gained 1,325.34 points to close at 34,103.48 with the market closing at 34103.48. The Nifty was up 433.55 points to close at 10023.70.

News English Title: Story Sensex dropped below 1600 points Nifty also down News Latest Updates.