नवी मुंबईत करोनाबाधित महिलेचा मृत्यू; कारण अजून निश्चित नाही

नवी मुंबई, २६ मार्च : वाशी येथे एका खासगी रुग्णालयात उपचार घेत असलेल्या एका महिलेचा आज मृत्यू झाला. मात्र, या महिलेच्या मृत्यूचं कारण गुलदस्त्यात आहे. या महिलेचा मृत्यू करोनाने झाला की अन्य कारणाने याचा तपास केला जात असल्याचं आरोग्य विभागाकडून सांगितलं जात आहे. या महिलेचा करोनाने मृत्यू झाल्याचं निष्पन्न झाल्यास राज्यातील करोनाचा हा चौथा बळी असेल असेही सूत्रांनी सांगितलं. सदर महिला वाशीतील एका खासगी रुग्णालयात उपचार घेत होती. तिला करोनाची लागण झाल्याचंही निष्पन्न झालं होतं. मात्र, तिचा करोनानेच मृत्यू झाल्याचं अद्याप स्पष्ट झालेलं नाही. आरोग्य विभाग याबाबत तपास करत आहे.

दरम्यान, महाराष्ट्रामध्ये कोरोना रुग्णांची आणि मृतांची संख्या वाढत चालली आहे. वाशीमध्ये एका खासगी रुग्णालयात झालेला महिलेचा मृत्यू हा कोरोनामुळे झाला असल्याचं स्पष्ट झालं आहे. त्यामुळे महाराष्ट्रात कोरोनामुळे मृत झालेल्यांची संख्या ४ वर पोहोचली असल्याची माहिती आरोग्य विभागाकडून देण्यात आली आहे. दुसरीकडे आज पुन्हा दोन अंकांनी कोरोना रुग्णांची संख्या वाढली आहे.

राज्यातील कोरोना विषाणूग्रस्त रुग्णांची संख्या दिवसेंदिवस वाढताना दिसत आहे. गुरुवारी सकाळी पहिल्या टप्प्यात मुंबई आणि ठाण्यातून दोन नवे पॉझिटिव्ह रुग्ण आढळून आल्याने राज्याचा आकडा १२४ वर गेला आहे. कोरोना विषाणूचा प्रार्दुभाव होऊ नये यासाठी केंद्र आणि राज्य सरकारकडून प्रयत्नांची पराकाष्टा केली जात आहे. पंतप्रधान नरेंद्र मोदी यांनी मंगळवारी रात्री बुधवारपासून देशात २१ दिवसांचा लॉकडाऊन जाहीर केला आहे. राज्य सरकारनेही यापूर्वीच उपाययोजना राबवण्यास सुरुवात केलेली आहे.

News English Summery: A woman who was being treated at a private hospital in Vashi died today. However, the cause of this woman’s death is in the bouquet. The Health Department is investigating whether the woman died from coronas or for other reasons. The woman will be the fourth victim of coronas in the state if the woman is found to have died of coronas, sources said. The woman was undergoing treatment at a private hospital in Vashi. She was also diagnosed with coronary infection. However, it is not yet clear whether she died of coronary artery. The health department is investigating the matter.

News English Title: Story 65 year old woman from Navi Mumbai who tested positive for Corona Virus passes away News Latest Updates.