ज्यांच्यासाठी थाळ्या-घंटानाद केला; त्यांच्यावरच फिल्मी देशभक्तांकडून घर खाली करण्यासाठी दबाव

मुंबई, २६ मार्च: महाराष्ट्रात कोरोना व्हायरसचा धोका वाढतोच आहे. दिवसभरात दुसऱ्या मृत्यूची नोंद झाली आहे. रुग्णांची संख्याही वाढून १२५ झाली आहे. मुंबईत कस्तुरबा रुग्णालयात दाखल असलेल्या ६३ वर्षीय महिलेचा मृत्यू झाला आहे. त्यापूर्वी नवी मुंबईत एकीचा मृत्यू झाल्यामुळे कोरोना मृत्यूंची संख्या राज्यात ५ झाली आहे. सकाळी वाशीमध्ये एका खासगी रुग्णालयात कोरोनाबाधित महिलेचा मृत्यू झाला. दरम्यान राज्यात सर्वाधिक चिंताजनक स्थिती असताना डॉक्टर्स, नर्सेस आणि पोलीस यंत्रणा अत्यंत महत्वाची भूमिका बजावत आहेत.

दुसरीकडे राज्यात काही ठिकाणी भाडेतत्वावरील घरात राहणाऱ्या डॉक्टर, नर्सिंग कर्मचारी व इतर आरोग्य कर्मचारी यांना करोना विषाणूच्या पार्श्वभूमीवर संबंधित घरमालक किंवा हाऊसिंग सोसायट्या घर सोडून जाण्यास सांगत असल्याच्या तक्रारी प्राप्त झाल्या आहेत. मानवतेच्या दृष्टीने तर हे अत्यंत चुकीचे आहेच. परंतु, नियमबाह्यही आहे. घरमालकांनी आणि सोसायट्यांनी आरोग्य यंत्रणेचे महत्व लक्षात घेऊन सहकार्य करावे. अन्यथा साथरोग नियंत्रण कायद्यानुसार संबंधित घरमालक किंवा हाऊसिंग सोसायटीवर कारवाई करण्यात येईल, असे राज्य सरकारने प्रसिद्धी पत्रकान्वये कळविले आहे.

विशेष म्हणजे हा तोच देशभक्ती समाज आहे ज्याने काही दिवसांपूर्वी अत्यावश्यक सेवा देणाऱ्यांचे थाळी आणि घंटानाद करून आभार मानले होते. एकूण भारतीयांची देशभक्ती ही समाज माध्यमांवर स्वतःचे व्हिडिओ आणि फोटो प्रसिद्ध करण्याइतकीच शिल्लक राहिली आहे असंच म्हणावं लागेल. मात्र उद्या हेच डॉक्टर, नर्सेस आणि पोलीस स्वार्थी झाले आणि लोकांसारखेच वागू लागले तर काय वेळ येईल याचा विचार न केलेलाच बरा असं म्हणावं लागेल.

News English Summery: In some places in the state, doctors, nursing staff and other health workers living in a rented house have received complaints that their respective homeowners or housing societies have been asking them to leave their homes in the wake of the Karona virus. This is very wrong in the eyes of humanity. But, it is beyond the rules. Homeowners and societies should cooperate with the importance of health systems. Otherwise, the concerned homeowner or housing society will be prosecuted in accordance with the Law of Disease Control, the state government has informed in a press release.

News English Title:  Story if doctors nurses asked to vacate home then Government will take action News latest Updates.