३ महिने EMI संदर्भात RBI'ने बँकांना केवळ स्थगितीची परवानगी दिली आहे...जाणून घ्या

मुंबई, २७ मार्च : करोनाला रोखण्यासाठी देशभरात लागू झालेल्या लॉक डाऊननंतर अर्थव्यवस्थेला सावरण्यासाठी केंद्र सरकारपाठोपाठ रिझर्व्ह बँकेने आज मोठी घोषणा केली. बँकेने प्रमुख व्याजदरात ०.७५ टक्क्याची कपात करून तो ४.४० टक्के करण्यात केला आहे. व्याजदर कपातीने ग्राहकांना मोठा दिलासा मिळाला असून गृह, वाहन यासह इतर कर्जांचा दर कमी होणार असून मासिक हप्त्याचा भार हलका होणार आहे. त्याशिवाय ३ महिने कर्जाचे हप्ते स्थगित करण्याच्या सूचना बँकांना देण्यात आल्या आहेत.

दरम्यान, सरसकट कर्जदाराला ही सुविधा मिळणार नसल्याचे स्पष्ट झाले आहे. आरबीआयने केवळ बँकांना स्थगिती देण्याची परवानगी दिली आहे. यासाठी प्रत्येक कर्जदारास बँकेला विनंती करावी लागेल आणि कोरोना व्हायरसच्या प्रादुर्भावामुळे त्याच्या उत्पन्नावर परिणाम झाला आहे, हे सांगावे लागेल. बँकेने कर्जदाराची विनंती मान्य केल्यानंतरच याचा त्याला फायदा मिळणार आहे. अन्यथा कर्जदाराच्या खात्यातून पैसे वजा केले जातील. कर्जदाराला अर्ज करुन सर्व माहिती दिल्यानंतर बँक त्याबाबत निर्णय घेऊ शकेल.

आरबीआयने केवळ बँकांना स्थगिती देण्याची परवानगी दिली आहे. मात्र तुम्हाला तुमच्या बँकेकडून ईएमआय स्थगित करण्यासंदर्भात परवानगी मिळवावी लागणार आहे. याचा अर्थ बँकेकडून विशिष्ट मंजूरी येईपर्यंत ईएमआय तुमच्या खात्यातून वजा होताच राहणार आहे. इएमआय स्थगित केला गेला आहे की नाही यावर आरबीआयने अद्याप यावर तपशीलवार मार्गदर्शक तत्त्वे जारी केलेली नाहीत. एकदा मार्गदर्शक तत्त्वे जारी झाल्यानंतर त्याबद्दल अधिक स्पष्टता येईल. त्यामुळे कोणताही धोका उचलू नका, अन्यथा तुमचा क्रेडिट स्कोर देखील खराब होईल आणि भविष्यात तुम्ही कर्ज घेण्यासाठी गेलात तर ते मंजूर होण्यात अडचणी निर्माण होतील.

News English Summary: Meanwhile, it has become clear that the borrower will not get this facility. RBI only allows banks to defer. For this, every borrower will have to make a request to the bank and state that the outbreak of the Corona virus has affected his income. It will be beneficial only after the bank accepts the borrower’s request. Otherwise the money from the debtor’s account will be deducted. After applying all the information to the borrower, the bank can decide on it.

News English Title: Story RBI Moratorium of 3 months on payment of installments EMI advice due to Corona Virus outbreak fact check News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.