इराणमध्ये अफवा उठली की मिथेनॉलने कोरोना बरा होतो; त्यानंतर ३०० जणांचा बळी

तेहरान, २८ मार्च: जगभरात करोनाचा प्रादुर्भाव वाढत असून रुग्णांची व मृतांची संख्या वाढतच आहे. करोना विषाणूचा संसर्ग आतापर्यंत १९५ देशांत पसरला असून पाच लाख नागरिकांना याची लागण झाली आहे. २६ हजारांपेक्षा आधिक नागरिकांचा या महामारीनं बळी घेतला आहे. चीनच्या वुहान या शहरातून उद्भवलेल्या या कोरोना विषाणूने इटलीत हाहाकार माजवला आहे. इटलीशिवाय स्पेन, अमेरिका, फ्रांस आणि इराणमध्ये देखील कोरोना आपत्तीमुळे भीषण परिस्थिती निर्माण झाली आहे.

मात्र इराणमध्ये समाज माध्यमांवरील अफवांमुळे एक भयंकर घटना घडली आहे. न्यूज वेबसाइट डेली मेलने इराणच्या माध्यमांचा हवाला देत सांगितले की, इस्लामिक रिपब्लिकमध्ये मिथॅनॉलच्या सेवनाने ३०० लोकांचा मृत्यू झाला आहे. तर आतापर्यंत १००० लोकं आजारी पडली आहेत. इराणमध्ये मद्यपानास बंदी आहे. मिथेनॉल आम्ली पदार्थ आहे. मिथेनॉल प्यायल्याने ३०० लोकांचा मृत्यू झाल्याची बातमी अशावेळी आली जेव्हा तेहरानमध्ये शुक्रवारी कोरोनामुळे आणखी १४४ लोकांच्या मृत्यू झाल्याचे जाहीर करण्यात आले.

इराणच्या समाज माध्यमांवर मिथेनॉलचे सेवन केल्याने कोरोना बरा होतो ही अफवा वेगाने पसरली. लोकांनी यामागचे तथ्य जाणून न घेता ते प्यायले. मिथेनॉलचा वास येत नाही. तसंच त्याला कसलीच चव नसते. मिथेनॉलमुळे आपल्या शरीरातील अवयव आणि मेंदूला मोठा धोका असतो. ते प्यायल्याने लोकं कोमात जाण्याची शक्यता जास्त असते.

News English Summary: News website Daily Mail quoted Iranian media as saying that methanol intake in the Islamic Republic has killed 300 people. So far 1000 people have become ill. Alcohol is banned in Iran. Methanol is an acid. There were reports of 300 people dying from drinking methanol when a further 144 deaths were reported in Tehran on Friday due to corona.

News English Title: Story rumor that drinking methanol protects from corona virus killed 300 people in Iran News latest Updates.