मुंबई: वरळी कोळीवाड्यात कोरोनाबाधित ४ रुग्ण आढळले; पोलिसांकडून परिसर सील

मुंबई, ३० मार्च: देशात कोरोना व्हायरसचे रुग्ण हे आता १०००च्या वर गेले आहे. यापैकी महाराष्ट्रात सर्वाधिक रुग्ण आढळून आले आहेत. राज्यात आता कोरोनाबाधितांची संख्या २१५ पर्यंत जाऊन पोहोचली आहे. महाराष्ट्र आरोग्य विभागाने दिलेल्या माहितीनुसार असे दिसून आले आहे की, पुण्यातील ५, मुंबईतील ३, नागपुरातील २, कोल्हापूर १, नाशिकमधील १ असे एकूण नवे १२ रुग्ण कोरोना पॉझिटिव्ह असल्याचं आढळून आलं आहे. काल (रविवार) राज्यात एकूण २२ नव्या रुग्णांची नोंद झाली. त्यापैकी सर्वाधिक रुग्ण हे मुंबईत आढळून आले आहेत. एकूण १० नवे रुग्ण काल मुंबईत आढळले आहेत. दरम्यान, राज्यात आतापर्यंत कोरोनामुळे ८ लोकांचा मृत्यू झाला आहे.

मात्र आज मुंबईत एक धक्कादायक प्रकार घडल्याने मुंबईकरांची झोप उडण्याची शक्यता आहे. वरळीमधील कोळीवाड्यात करोनाचे चार संशयित रुग्ण आढळले असल्याने मुबंई पोलिसांनी प्रादुर्भाव रोखण्यासाठी परिसर सील केला आहे. या रुग्णांपैकी कोणतीही परदेश दौरा केला नव्हता अथवा कोणत्याही कोरोनाग्रस्ताच्या संपर्कात आले नव्हते. तरीही या लोकांना कोरोनाची लागण झाली आहे. या चारही रुग्णांचे वय ५० च्या वर आहे. यातील एक रुग्ण ट्रॉम्बेमधील पीएसयूमध्ये स्वयंपाकाचे काम करत असे. त्यामुळे आम्ही त्यांच्या कर्मचार्‍यांची चाचणी व तपासणी करुन घेण्यास सांगितलं असल्याचं महापालिकेचे सहाय्यक आयुक्त शरद उघडे यांनी सांगितले. तसेच इतर तिघेही स्थानिक नोकर्‍या करतात आणि जास्त प्रवास करत नाहीत. त्यांना कुणामुळे संसर्ग झालाय सांगता येत नाही असं ते म्हणाले.

विशेष म्हणजे यामधील एकजण ट्रॉम्बे येथे कूक म्हणून काम करत होता. त्यांच्या सर्व कर्मचाऱ्यांची वैद्यकीय तपासणी करण्यास सांगण्यात आलं आहे. तर इतर तिघे जण स्थानिक ठिकाणी काम करत असून जास्त प्रवास करत नाहीत. त्यामुळे यांना लागण नेमकी झाली कशी याची माहिती घेतली जात आहे, अशी माहिती जी दक्षिण वॉर्डचे महापालिक सहाय्यक आयुक्त शरद उघडे यांनी दिली आहे.

News English Summary: However, today Mumbai is likely to fall asleep due to a shocking pattern in Mumbai. Mumbai police have sealed the premises to prevent the outbreak as four suspected coronary patients were found in Koliwada in Worli. None of these patients had visited overseas or had been exposed to any coronas. Yet these people are infected with coronas. All four patients are above 50 years of age. One of these patients was working at a PSU in Trombay. Therefore, we have asked them to test and inspect their employees, ”said Municipal Assistant Commissioner Sharad Ughde. All three also do local jobs and do not travel much. He said they could not say who had been infected.

News English Title: Story corona virus shocking infection spreads in Mumbai Worli Koliwada four new cases have been reported News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.