पासपोर्ट धारकांच्या चुकांची किंमत रेशनकार्ड धारकांना क्रूरपणे चुकवावी लागत आहे? सविस्तर वृत्त

बरेली, ३० मार्च: कोरोना विषाणूचा प्रसार रोखण्यासाठी देशव्यापी बंदमुळे बेरोजगार आणि बेघर लोक आता आपल्या गावी व खेड्याकडे जाण्यास निघाले आहेत. अशा प्रकरणात वकील अलख आलोक श्रीवास्तव यांनी सर्वोच्च न्यायालयात जनहित याचिका दाखल केली आहे. या याचिकेत म्हटले आहे की, कोरोनाच्या पार्श्वभूमीवर करण्यात आलेल्या लॉकडाऊनमुळे हजारो स्थलांतरित कामगार आपल्या कुटुंबीयांसह शेकडो किलोमीटर चालत आहेत. त्यांच्याकडे जगण्याची सुविधा नाही किंवा घरी पोहोचण्याचे साधन नाही, या लोकांना भयंकर अडचणी येत आहेत.

या लोकांना निवारा गृहात ठेवून सुविधा उपलब्ध करून देण्याचे राज्य सरकारांना आदेश द्यावेत, असा याचिकेत उल्लेख करण्यात आलेला आहे. मात्र देशात गरीब श्रीमंत असे दोन गट असल्याचं कोरोनाच्या आपत्तीनंतर दिसतं आहे. देशभरातील रेशनकार्ड धारक कामगारांना आज देशातील पासपोर्ट धारकांनी केलेल्या चुकांची किंमत अत्यंत क्रूरपणे फेडावी लागत आहे असंच म्हणावं लागेल.

अनेक राज्यांमध्ये कामगारांना विचित्रं परिस्थितीचा सामना करावा लागत आहे. लॉकडाऊनमुळे परत आपल्या मूळ गावी बरैलीमध्ये आलेल्या मजुरांवर कोरोना विषाणू फैलाव प्रतिबंधक औषध फवारणी करण्यात आल्याचे वृत्त सोशल मीडियावर व्हायरल होते आहे. या प्रकरणी नक्की काय घडले, याची चौकशी करण्यात येईल, असे बरैलीचे जिल्हाधिकारी नितीश कुमार यांनी म्हटले आहे.

#VIDEO – उत्तर प्रदेशातील योगी सरकारचा अमानवीय प्रकार समोर आला…विमानातून उतरणाऱ्या श्रीमंतांना काळजी घेत डिसइन्फेक्ट केलं जातं….मात्र गरीब कामगार जेव्हा राज्यात परतत आहेत तेव्हा जनावरांसोबत देखील जे करत नाहीत त्याप्रकारे डिसइन्फेक्ट प्रक्रिया केली जातं आहे. pic.twitter.com/dS5QeVFIJ0

— महाराष्ट्रनामा न्यूज (@MahanamaNews) March 30, 2020

आपल्या गावी परतलेल्या मजुरांना ज्या पद्धतीने प्रशासनाकडून वागणूक देण्यात आली, त्यावरून सोशल मीडियामध्ये टीका सुरू झाली आहे. या घटनेचा एक व्हिडिओही व्हायरल झाला आहे. त्यामध्ये लोकांना बस स्टॅंडजवळ एका कोपऱ्यात बसविण्यात आले असल्याचे दिसते. त्यांच्यावर पाण्यातून औषध फवारणी करण्यात आली. काही जणांनी या मजुरांवर रसायन फवारणी करण्यात आल्याचा आरोप केला.

या संदर्भात बरैलीतील अग्निशामक विभागातील एका अधिकाऱ्याने नाव न प्रसिद्ध करण्याच्या अटीवर सांगितले की, फवारणी करण्यात आलेल्या पाण्यामध्ये केवळ लिक्विड ब्लीच घालण्यात आले होते. प्रशासनाने दिलेल्या निर्देशांनुसारच ही कारवाई करण्यात आली. दरम्यान, हा सगळा काय प्रकार घडला आहे याबद्दल जिल्हाधिकारी किंवा आरोग्य अधिकाऱ्यांना काहीही माहिती नाही.

News English Summary: In many states, workers are faced with strange situations. News on social media that the Corona virus spread has been sprayed on laborers returning to their hometown of Bareilly due to the lock down has gone viral. Bareilly District Collector Nitish Kumar has said that inquiry into what exactly happened in the case will be investigated. A video of the incident has also gone viral. It appears people were seated in a corner near the bus stand. They were sprayed with water. Some accused the laborers of spraying chemicals.

News English Title: Story will look into it barelly DM on allegations that migrant workers got chemical bath in Uttar Pradesh News Latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.