चिंता वाढली! पोलीस कुटुंबीय देखील कोरोनाच्या कचाट्यात; वरळी पोलीस वसाहत

मुंबई, २ एप्रिल: मुंबई महानगर पालिकेनं बुधवारी एकाच दिवशी शहरातील ४५ नवे परिसर सील करुन टाकले आहेत. या परिसरांचा समावेश‘no-go zones’मध्ये करण्यात आला आहे. ज्या भागात कोरोना विषाणूचा संसर्ग झालेले रुग्ण आढळतात किंवा बाधा झालेले रुग्ण या परिसरातील लोकांच्या संपर्कात आल्यानं ज्या भागातील लोकांना विषाणूचा संसर्ग होण्याचा धोका अधिक असतो असे भाग ‘no-go zones’मध्ये येतात. तो परिसर पूर्णपणे बंद करण्यात येतो. या आठवड्यात एकूण १९१ परिसर सील करण्यात आले आहेत.बुधवारी नव्यानं सील करण्यात आलेले बहुतांश परिसर हे उपनगरातले आहेत. पोलिसांनी परिसरात बॅरिकेट्स लावले असून येथील नागरिकांना बाहेर पडण्यास आणि बाहेरच्या व्यक्तीला आत जाण्यास मनाई करण्यात आली आहे.

मात्र आता पोलीस कॅम्पमधील एका इमारतीतील दोघांना कोरोनाची काही लक्षण दिसून आली आहेत. त्यामुळे पोलीस आणि महापालिका आरोग्य अधिकारी इमारतीत दाखल झाले असून त्यांनी इमारत सील केली आहे. दोन संभाव्य कोरोनाबाधितांपैकी एक व्यक्ती व्हीव्हीआयपी व्यक्तींकडे सुरक्षेसाठी तैनात असायची.

या व्यक्तीला २० मार्चपासून ताप येत होता. तर त्यांच्या पत्नीला काल रात्रीपासून ताप येत असल्याने पत्नीला कस्तुरबा हॉस्पिटलमध्ये दाखल केलं आहे. या दाम्पत्याने दोन मुले आहेत. या मुलाला सेव्हन हिल हॉस्पिटलमध्ये नेण्यात येणार आहे. तर मुलीला पोदार हॉस्पिटलमध्ये क्वारंटाइन करण्यात येणार आहे. वरळी कोळीवाडा, आदर्श नगर परिसरात ११ कोरोना पॉझिटिव्ह रुग्ण आढळल्याने या परिसरात कर्फ्यू लावण्यात आला आहे. मात्र, दिलासादायक बाब म्हणजे गेल्या २४ तासांत कोळीवाडा भागात नव्या रुग्णाची नोंद झालेली नाही. येथील १०८ रहिवाशांपैकी ८६ रहिवाशांना पोदार हॉस्पिटलमध्ये क्वारंटाइन करण्यात आलं आहे.

News English Summary: But now, in a building in a police camp, both have seen some signs of corona. Therefore, police and municipal health officials have entered the building and sealed the building. One of the two potential coroners was deployed at VVIP for security. The man was suffering from fever from March 20. His wife has been admitted to Kasturba Hospital for fever since last night. The couple have two children. The boy will be taken to Seven Hill Hospital. The girl will be quarantined at Podar Hospital. Curfew has been imposed in this area as 11 corona positive patients were found in Worli Koliwada, Adarsh ​​Nagar area. However, it is comforting that in the last 24 hours, no new patient has been reported in Koliwada area. Of the 108 residents here, 86 have been quarantined at Podar Hospital.

News English Title: Story Corona Virus Mumbai Worli police colony Shakes two Suspected coronas were found Covid 19 News latest updates.