...तर पोलिसांच्या कुटुंबियांना मिळणार ५० लाख रुपये सानुग्रह अनुदान - उपमुख्यमंत्री

मुंबई, ३ एप्रिल: मुंबईमध्ये कोरोना विषाणूचा प्रादुर्भाव वाढत असून रुग्णांच्या संख्येत दिवसेंदिवस वाढत होत चालली आहे. मुंबईतील मोठी लोकसंख्या आणि दाट लोकवस्ती असलेल्या धारावीमध्ये कोरोनाचा तिसरा रुग्ण आढळला आहे. धारावीतील एका डॉक्टरलाच कोरोनाची लागण झाली असल्याचे समोर आले आहे. त्यामुळे धारावीमध्ये एकच खळबळ उडाली आहे. त्यात काही पोलिसांना आणि त्यांच्या कुटुंबियांना देखील कोरोनाची लागण झाल्याचं समोर आलं आहे. मात्र राज्य सरकारने यावर काही तरतुदी देखील करण्यास सुरुवात केली आहे.

राज्यातील पोलिस दल कोरोना विषाणू विरुद्धच्या लढाईत जोखीम पत्करुन योगदान देत आहे. कर्तव्य बजावताना पोलिस दलातील अधिकारी-कर्मचाऱ्याचा कोरोनाची लागण झाल्यामुळे दुर्दैवाने मृत्यू झाल्यास त्यांच्या कुटुंबियांना ५० लाख रुपये सानुग्रह अनुदान देण्यात येणार आहे. राज्याचे उपमुख्यमंत्री अजित पवार यांनी शुक्रवारी ही माहिती दिली.

अजित पवार यांच्या अध्यक्षतेखाली मंत्रालयात आयोजित बैठकीत हा निर्णय घेण्यात आला. बैठकीला गृहमंत्री अनिल देशमुख, आरोग्यमंत्री राजेश टोपे, वित्त विभागाचे अतिरिक्त मुख्य सचिव मनोज सौनिक आदींसह अर्थ, आरोग्य, उद्योग विभागाचे वरिष्ठ अधिकारी उपस्थित होते. कोरोना विषाणूविरुद्धच्या लढ्यात आघाडीवर राहून लढणाऱ्या सार्वजनिक आरोग्य, वैद्यकीय शिक्षण, पोलिस आदी विभागांना मार्च महिन्याचे उर्वरीत वेतन प्राधान्याने देण्यात यावे, असा निर्णयही बैठकीत घेण्यात आला.

News English Summary: The police force in the state is contributing to the fight against the Corona virus. An official grant of Rs 50 lakh will be provided to his family in case of unfortunate death due to coronary infection of a police officer while on duty. State Deputy Chief Minister Ajit Pawar gave this information on Friday. The decision was taken at a meeting held in the ministry chaired by Ajit Pawar. Home Minister Anil Deshmukh, Health Minister Rajesh Tope, Additional Chief Secretary Manoj Sonik and senior officials of Finance, Health and Industry were also present at the meeting. It was also decided that the remaining wages of March should be given priority to the departments of the public health, medical education, police, who are at the forefront of the fight against the corona virus.

News English Title: Story if any police dies due to Covid 19 his family Members will get 50 lakhs Aid says Deputy CM Ajit Pawar News Latest Updates.