विकृत करूच नये अन केलं तर विकृती प्रमाणे मार सुद्धा खावा; रुपाली पाटील यांचं मनसे समर्थन

ठाणे, ०८ एप्रिल: मुंबई: राज्यात एकीकडे कोरोनाचं संकट असताना राजकीय वातावरणही पेटू लागलं आहे. मंत्री जितेंद्र आव्हाडांच्या उपस्थितीत एका तरुणाला बेदम मारहाण केल्याचे पडसाद राजकीय वर्तुळात उमटू लागले आहे. लॉकडाऊनच्या काळातही खुद्द तरुणाला मंत्र्यांच्या बंगल्यात बोलावून ही मारहाण झाल्याने विरोधकांनी सरकारवरच निशाणा साधला आहे.

जितेंद्र आव्हाड यांच्या प्रकरणावरुन सोशल मीडिया प्रतिक्रिया उमटत आहेत. यावेळी एका तरुणाने ट्विटरला कमेंट करताना ‘जितेंद्र आव्हाड तुझा दाभोलकर होणार’ असं म्हटलं आहे. यामुळे सध्या खळबळ उडाली असून पोलीस काय कारवाई करणार याकडे लक्ष लागलं आहे.

दुसरीकडे मनसेतील विविध नेते वेगवेगळ्या भूमिका घेताना दिसत आहेत. मनसेतील काहीजण याला संविधानाची पायमल्ली म्हणत आहेत तर काहीजण याला जशास तसे प्रतिउत्तर देणं गरजेचं असल्याचं म्हणत आहेत. मनसेच्या नेत्या रुपाली पाटील यांनी फेसबुकवर पोस्ट शेअर करुन जितेंद्र आव्हाडांच्या बंगल्यावरील मारहाणीचं समर्थन केलं आहे.

मंत्री, कलाकार किंवा कोणत्याही एखाद्या पक्षाचा कार्यकर्ता, पदाधिकारी यांनी केलेल्या पोस्टवर विकृत पणे कमेंट करु नये. तसेच विकृतीची कमेंट केलीच तर विकृतीप्रमाणे मार खावा असं रुपाली पाटील यांनी म्हटले आहे. जितेंद्र आव्हाड यांच्याबाबत जी काही विकृत पोस्ट केली म्हणून त्याला मारहाण केली असेल तर हे चांगलेच केले. विकृतपणे कमेंट करणाऱ्यांना ठेचलेच पाहिजे असं रुपाली पाटील यांनी फेसबुकद्वारे सांगितले आहे. रुपाली पाटील यांनी थोड्या वेळानंतर ही पोस्ट फेसबुकवरुन डिलीट केली असल्याचे समोर आले. मात्र जितेंद्र आव्हाडांच्या बंगल्यावरील मारहाणीवरुन मनसेतच मनभिन्नता असल्याचे दिसून येत आहे.

News English Summary: NCP leader and Home Minister Jitendra Awhad is currently stuck in the lurch. Jitendra Awhad, a youth, has been accused of beating him up by supporters. Writing a post against Jitendra Awhad through social media, the youth is alleged to have beaten you. Due to this, Jitendra Awhad’s name is in the discussion and there has been widespread criticism.

News English Title: Story MNS Rupali Patil Thombare Minister Jitendra Awhad BJP News Latest Updates.