राज्यात आज कोरोनाचे २५ बळी; रुग्णांचा आकडा १३०० पार

मुंबई, ०९ एप्रिल: राज्यातील करोनाचा धोका अधिकच वाढला आहे. आज दिवसभरात करोनाच्या संसर्गानं २५ जणांचा बळी गेला आहे. तर २२९ रुग्णांची नव्यानं नोंद झाली आहे. त्यामुळं करोनाबाधितांची एकूण संख्या १३६4 झाली आहे. राज्यातील मृतांचा आकडा आता शंभराच्या जवळपास पोहोचला आहे.

राज्यात आज कोरोनाच्या 229 नवीन रुग्णांची नोंद झाली. एकूण रुग्ण संख्या 1364 झाली आहे. कोरोनाबाधित 125 रुग्ण बरे झाल्याने त्यांना घरी सोडण्यात आले आहे. सध्या राज्यात 1142 रुग्णांवर उपचार सुरू आहेत.#CoronaVirusUpdates #MeechMazaRakshak #मीचमाझारक्षक #मैंहीमेरारक्षक

— Rajesh Tope (@rajeshtope11) April 9, 2020

मुंबईमधील करोनाबाधितांची वाढती संख्या हा चिंतेचा विषय आहे. मुंबईतील काही दाटीवाटीच्या लोकवस्तीतील लॉकडाऊनची अंमलबजावणी अधिक प्रभावीपणे करण्यासाठी राज्य राखीव पोलीस दलाच्या तुकड्या तैनात करण्यात येणार आहेत, अशी माहिती आरोग्य मंत्री राजेश टोपे यांनी गुरुवारी दिली.

मुंबईच्या दाट लोकवस्तीच्या भागात लॉकडाऊन अधिक प्रभावी करण्यासाठी आणि निर्जंतुकीरणासाठी ड्रोन तंत्रज्ञानाचा वापर करण्यासाठी महापालिकेला सूचना देण्यात आल्या.याभागात राज्य राखीव पोलिस दलाची मदत घेण्यातही गृहमंत्र्यांकडे मागणी केली आहे.#CoronaVirusUpdates#MeechMazaRakshak

— Rajesh Tope (@rajeshtope11) April 9, 2020

सीसीटीव्हीच्या माध्यमातूनही लक्ष ठेवलं जात होतं. आता ड्रोनच्या मदतीनेही निरीक्षण केलं जाणार आहे. कंट्रोल रुमच्या मदतीने सीसीटीव्हीचा वापर करण्यात येतो आहे. आम्ही जे आँखो देखा हाल धारावीचा जो सांगितला त्यात एक लक्षात आला की गर्दी जास्त असल्याने जी सार्वजनिक स्वच्छतागृहं आहेत तिथेही गर्दी होते. दिवसभरात साधारण २०० लोक ती स्वच्छतागृहं वापरतात. एका टॉयलेट सीटचा वापर सुमारे २०० जणांकडून होतो. त्या ठिकाणी सॅनिटायझेशनचे प्रश्न आहेत असं देखील ते म्हणाले.

दरम्यान, देशातील कोरोनाग्रस्तांचा आकडा हा पाच हजारहून अधिक असून राज्यात तेराशेहून अधिक लोकांना कोरोनाची लागण झाली आहे. कोरोनाचा प्रादुर्भाव रोखण्यासाठी अनेक कठोर निर्णय घेऊनही कोरोनाग्रस्तांचा आकडा नियंत्रण मिळवण्यात अपयश येतानाचे चित्र आहे.

News English Summary: The risk of corona in the state has increased even more. Today, 25 people have died of coronary infection. So far 229 patients have been newly reported. As a result, the total number of coronaries is 1346. The death toll in the state is now approaching. The increasing number of coroners in Mumbai is a matter of concern. The state reserve police force will be deployed to more effectively implement the lock down in some of Mumbai’s densely populated areas, Health Minister Rajesh Tope said on Thursday.

News English Title: Story 1346 cases of Covid19 in Maharashtra out of which 746 patients are in Mumbai state health minister Rajesh Tope corona crisis News Latest updates.