वाधवान कुटुंबियांवर गुन्हा दाखल; १४ दिवसांसाठी खासगी रुग्णालयात क्वारंटाइन

पाचगणी, १० एप्रिल: लॉकडाउनची सक्तीनं अमलबजावणी केली जात असताना ‘डीएचएफएल’चे कपिल वाधवान यांच्यासह २३ जण सुटी घालवण्यासाठी महाबळेश्वरला गेल्याचं प्रकरण समोर आल्यानं खळबळ उडाली आहे. विशेष म्हणजे राज्याच्या गृह विभागाचे प्रधान सचिव अमिताभ गुप्ता यांनी वाधवान कुटुंबीयांना महाबळेश्वरला जाण्यासाठी परवानगी दिल्याचं उघड झालं आहे. यावरून विरोधी पक्षानं सरकारला धारेवर धरताच सरकारनं अमिताभ गुप्ता यांना तडकाफडकी सक्तीच्या रजेवर पाठवलं आहे.

लॉकडाऊनच्या काळात महाबळेश्वरला जाणे डीएचएफएलचे संस्थापक कपिल वाधवान यांना महागात पडले आहे. लॉकडाऊनचे उल्लंघन केल्याप्रकरणी कपिल वाधवान यांच्यासह त्यांच्या कुटुंबातील २३ जणांविरोधात गुन्हे दाखल करण्यात आले आहे. तसंच, त्यांना पुढच्या १४ दिवसांसाठी पाचगणीतील एका खासगी रुग्णालयात क्वारंटाइन करण्यात आले आहे.

Wadhawans to be booked under IPC sections 188, 269, 270, 34; sections of Disaster Management Act and COVID-19 regulations: Anil Deshmukh

— Press Trust of India (@PTI_News) April 10, 2020

वाधवान कुटुंबीय लॉकडाऊनचे उल्लंघन करत खंडाळ्यावरुन महाबळेश्वर येथे गेले. याप्रकरणी वाधवान कुटुंबातील २३ जणांविरोधात महाबळेश्वर पोलिस ठाण्यात गुन्हा दाखल करण्यात आला आहे. तसंच, जिल्हा प्रशासनाच्या आदेशानुसार पाचगणीच्या एका खासगी रुग्णालयात या सर्वांना १४ दिवसांसाठी क्वारंटाइन करण्यात आले आहे. महत्वाचे म्हणजे, वाधवान कुटुंबीयांना महाबळेश्वरला जाण्यासाठी मदत करणाऱ्या विशेष प्रधान सचिवांविरोधात कारवाई करण्यात आली आहे.

News English Summary: The Wadhwan family went to Mahabaleshwar on a pillar violating the lockdown. A case has been registered against 23 members of the Wadhwan family at Mahabaleshwar police station. Also, they have been quarantined at a private hospital in Panchgani for 14 days as per the order of the district administration. Importantly, action has been taken against the Special Principal Secretaries who have helped the Wadhwan family to visit Mahabaleshwar.

News English Title: Story case register against Wadhawan family 25 members in Mahabaleshwar police station Quarantine Covid19 News Latest Updates.