मुंबईत कोरोनाचे ९९३ रुग्ण; दिवसभरात १० रुग्णांचा मृत्यू

मुंबई, १० एप्रिल: संपूर्ण देशासह महाराष्ट्रातही कोरोना विषाणूनं थैमान घातलं आहे. मुंबईत आज कोरोनाबाधित रुग्ण आढळण्याचा रेकॉर्ड ब्रेक आकडा समोर आला आहे. मुंबईत एकाच दिवसात २१८ पॉझिटिव्ह रुग्ण आढळून आले आहेत तर कोरोनामुळे १० जणांचा मृत्यू झाला आहे. मुंबईतील कोरोनाबाधितांची संख्या आता हजाराच्या घरात पोहोचली आहे. मुंबईत रुग्णांची संख्या १००८ झाली असून मृतांचा आकडा ६४ वर पोहोचला आहे.

218 #COVID19 positive cases and 10 deaths reported in Mumbai today; total positive cases in the city rises to 993, death toll 64: Brihanmumbai Municipal Corporation (BMC) pic.twitter.com/qSD2xGOzmx

— ANI (@ANI) April 10, 2020

मुंबईसाठी रुग्णांची संख्या वाढणं हा निश्चितच चिंतेचा विषय आहे. आत्तापर्यंत एवढ्या मोठ्या प्रमाणावर मुंबईतल्या रुग्णांची संख्या वाढली नव्हती. मात्र आज ती पहिल्यांदाच वाढली आहे. मुंबईत एका दिवसात करोनामुळे १० रुग्णांचा मृत्यू झाला आहे. तर आत्तापर्यंत मुंबईत ६४ जणांचा मृत्यू झाला आहे. गुरुवारीच राज्याचे आरोग्यमंत्री राजेश टोपे यांनी मुंबईतले लॉकडाउनचे नियम आणखी कठोर करण्यात येतील असं स्पष्ट केलं होतं.

कोरोनाबाधीत ७७५ रुग्णांच्या संपर्कातील ४०२८ जणांचा आतापर्यंत शोध घेण्यात आला असून त्यात ३८२ करोनाबाधीत आढळले आहेत. या सर्वांचे विलगीकरण करण्यात आले असून बहुतेक रुग्णांत आता लक्षणे नसल्याचे स्पष्ट करण्यात आले आहे. मुंबईत शासकीय आणि खासगी प्रयोगशाळांमध्ये आतापर्यंत करोनासाठीच्या १६ हजार चाचण्या करण्यात आल्या आहेत.

News English Summary: The entire country, including Maharashtra, has been plagued by the corona virus. Record breaking figures for coronary artery disease have been revealed in Mumbai today. In Mumbai, 218 positive patients were reported in a single day while 10 died due to corona. The number of coroners in Mumbai has now reached thousands of homes. In Mumbai, the number of patients has reached 1008 and the death toll has risen to 64.

News English Title: Story corona virus 218 new Covid19 cases in Mumbai takes tally to 993 News Latest Updates.