पगार मिळावा आणि घरी जाण्याची परवानगी सुद्धा; सुरतमध्ये कामगारांकडून जाळपोळ

सुरत, ११ एप्रिल: गुजरातमधील सुरतमध्ये शुक्रवारी रात्री उशीरा हजारो स्थलांतरित कामगार रस्त्यावर उतरले, या कामगारांनी हातगाड्यांची जाळपोळ आणि इतर सार्वजनिक संपत्तीची तोडफोड केली. पगार मिळावा तसेच घरी जाण्याची परवानगी मिळावी अशी मागणी करत, कामगारांनी दगडफेक केली अशी माहिती पोलिसांनी दिली. पोलिसांनी ६०- ७० लोकांना ताब्यातही घेतले आहे.

Gujarat:Migrant workers in Surat resorted to violence on street allegedly fearing extension of lockdown.”Workers blocked road&pelted stones.Police reached the spot&detained 60-70 people.We’ve come to know that they were demanding to go back home”,said DCP Surat,Rakesh Barot(10.4) pic.twitter.com/q09Z7lsLwR

— ANI (@ANI) April 10, 2020

सूत्रांच्या माहितीनुसार, शुक्रवारी सूरतच्या लसकाना आणि डायमंड बुर्स भागात लॉकडाऊनमुळे हैराण झालेले शेकडो प्रवासी मजूर रस्त्यावर उतरले. या भागात प्रवासी मजुरांची तात्पुरती राहण्याची व्यवस्था करण्यात आली आहे. आपल्याला वेतन दिलं जावं आणि आपापल्या घरी जाण्यासाठी योग्य त्या सोई-सुविधा पुरवल्या जाव्यात, अशी हे मजूर मागणी करताना दिसले.

यापैकी बरेच कामगार वस्त्रोद्योग फॅक्टरीत काम करतात. करोना व्हायरसचा प्रादुर्भाव रोखण्यासाठी केंद्र सरकारने देशभरात लॉकडाउन जाहीर केल्यानंतर या फॅक्टरी बंद पडल्या असून कामगारांच्या हातात काहीच काम नाही. तसंच वाहतूक बंद असल्याने त्यांच्या घरी जाण्याचा मार्गही बंद झाला आहे. यामधील अनेक कामगार ओडिशाचे नागरिक आहेत.

News English Summary: Thousands of migrant workers took to the streets late Friday night in Surat, Gujarat, to disperse their vehicles and other public property. Police said that the workers were stoned, demanding salary and permission to go home. Police have also arrested 60-70 people.

News English Title: Story Migrant workers protest demanding salaries and asking for permission to go homes in Gujarat Surat city News Latest Updates