केवळ २४ तासात भारतात कोरोनाचे ६२० नवे रुग्ण

नवी दिल्ली, १३ एप्रिल : जगभरात कोरोनाग्रस्तांचा आकडा हा १८ लाखांवर गेला असन १ लाख १४ हजार जणांनी जीव गमावला आहे. देशभरात कोरोनाग्रस्तांची संख्या ८ हजार ४४७ झाली आहे. आतापर्यंत २७३ जणांनी यामध्ये जीव गमावला आहे. तर ७६५ रुग्ण बरे झाले आहेत. दरम्यान केंद्र सरकारने आपले मंत्री आणि वरिष्ठ अधिकाऱ्यांना मंत्रालयात आपापले कामकाज संभाळण्याचे आदेश दिले आहेत.

आरोग्य मंत्रालयाच्या संकेतस्थळावर दिलेल्या माहितीनुसार सकाळी ८ वाजेपर्यंत कोरोना विषाणूच्या एकूण ७ हजार ९८७ ऍक्टिव्ह केसेस भारतात आहेत. तर आतापर्यंत ८५७ लोकांनी यावर मात केली आहे किंवा त्यांना डिस्चार्ज दिलेला आहे. दरम्यान, केंद्र सरकारने काही मंत्री आणि अधिकाऱ्यांना कामावर रुजू होण्याचे आदेश दिले आहेत. ज्यांच्याकडे वाहने आहेत आणि दिल्ली परिसरात राहतात असे मंत्री आणि अधिका-यांना कार्यालयात येऊन काम करण्यास सांगितले आहे.

भारतात सर्वाधिक कोरोना विषाणू बाधितांची संख्या ही महाराष्ट्रात आहे. राज्यातील कोरोनाबाधित रुग्णांची संख्या १९८२ वर पोहचली आहे. सध्या राज्यात १६१६ रुग्णांवर उपचार सुरू आहेत. तर आतापर्यंत २१७ कोरोनाबाधित रुग्ण बरे झाले असून त्यांना घरी सोडण्यात आले आहे. रविवारी राज्यात २२ कोरोनाबाधित रुग्णांचा मृत्यू झाला आहे. त्यात मुंबईचे १६, पुण्यातील ३, नवी मुंबईतील २ आणि सोलापूरच्या १ रुग्णाचा समावेश आहे.

News English Summary: Worldwide the number of coroners has risen to 18 lakhs and 1 lakh 14 thousand have lost their lives. The number of coroners in the country has increased to 8,447. So far 273 people have lost their lives in this. So 765 patients have recovered. Meanwhile, the central government has directed its ministers and senior officials to take over their affairs in the ministry.

News English Title: Story India Corona Crisis records 620 New Covid19 cases in 24 hours News Latest Updates.